奈良處處洋溢著傳統文化及懷舊氣息，去到奈良旅行就梗係要去日式料理店，一嚐當地自古以來起源於各地嘅鄉土料理啦！經過多年，仲發展出奈良先食到嘅獨特拉麵添。
奈良當地美食：茶粥
茶粥係奈良具代表性嘅郷土料理之一，到奈良就一定要試吓喇。茶粥唔同一般粥用水煮，而以焙茶等日本茶煮出。散發陣陣獨特茶香，粥身唔粘口，清爽分明易入口為特徵。唔同店會用唔同種類嘅茶去煮粥，香味同味道都唔同㗎，不妨食多幾間比較吓。
奈良市嘅「茶亭Sateiyuusui（茶亭ゆうすい）」及櫻井市嘅「Inishie茶屋（いにしえ茶屋）」都係出嘅茶粥料理店。提供嘅茶粥套餐都包括煮物（即蒸煮料理）及漬物（即醃製蔬菜）等。
奈良當地美食：天理拉麵
天理拉麵係發源於奈良縣天理市拉麵店嘅當地美食。每間店提供嘅天理拉麵所使用嘅食材唔同，味道都會唔同，但基本上都係使用大量大量白菜、韮菜等食材，加入辣醬、大蒜等製成微辣但剌激嘅口感為特徵。
有興趣的話，可以去天理市內或天理車站附近，都有多間提供「天理拉麵」嘅日式料理店。其中「彩華」、「天理Sutamina拉麵（天理スタミナラーメン）」作為發源店而聞名。
奈良當地美食：三輪素麵
三輪素麵起源於奈良縣櫻井市，被稱為日本素麺始祖嘅手拉素麺。以小麥粉、水、鹽製造，特徵係麵條幼且彈牙。食素麵有幾種食法，例如將麵沾醬油製成嘅湯頭露食用嘅「冷素麵」、以鰹魚及昆布熬製熱湯頭而成嘅「煮麵」等。
想食「三輪素麵」嘅話，最好當然去發源地櫻井市度食啦，而當中推薦「三輪山本」同「千壽亭」。
奈良當地美食：飛鳥鍋
「飛鳥鍋」係奈良縣明日香村由古至今一直食開嘅鄉土料理。起源於6至8世紀左右，係一種以牛奶熬煮雞肉同蔬菜等食材嘅火鍋料理。現今則係喺雞骨熬煮嘅湯汁加入牛奶、日式調味料製成易入口料理。香濃純厚嘅牛奶同日式高湯嘅配搭真係一流！
想搵有提供飛鳥鍋嘅店，可以去明日香村，例如「Mendoya（めんどや）」等，或者去奈良站附近都搵到有提供飛鳥鍋嘅店，例如「膳Z/E/N」等。
奈良當地特產：日本酒
清透嘅日本酒「清酒」其實自始於奈良。作為清酒發源地，擁有多個酒窖，其中仲有可以提供參觀製酒過程同試飲嘅地方。如果想品嚐奈良酒窖釀造嘅日本酒，推薦去「Umasshu（うまっしゅ）」等提供奈良全部酒庫嘅銘酒（上等日本酒）嘅居酒屋，或者附設酒吧嘅「Naraizumi（なら泉勇斎）」酒屋。特別在酒屋會提供多種各款式嘅酒類，飲完鐘意嘅話仲可以當手信咁買返香港都好推薦呀！
Comments