奈良町位於奈良縣奈良市嘅中心地區，歷史悠久，保留好多町家（商舖兼用住宅）、神社同寺廟等歷史建築。町家建築改建而成嘅觀光景點、飲食店都非常多，可以好好感受日本懷舊氣氛。
奈良町簡介
奈良町保留咗「平城京」時代一部分嘅街道遺跡。平城京於8世紀建立於奈良，該地區有好多歷史悠久嘅神社、寺廟、町家、觀光設施、飲食店、購物商店及住宿設施。
奈良町必去景點
奈良町擁有悠久歷史，保留咗好多傳統街道、寺廟同神社等景點。以下為大家介紹奈良町必去嘅景點。
「奈良町格子之家」等傳統町家建築
奈良町於17至19世紀左右係一個繁榮嘅宿場（休息驛站），有好多狹長型格局嘅「町家（商家）」建築，至今仍保留當時面貌。有一啲町家建築會開放參觀，例如，重現傳統町家嘅「奈良町格子之家」、超過百年歷史嘅町家「熱鬧之家（にぎわい の家）」等。喺呢啲建築物內，我哋可以了解町家建築嘅構造同實用性，睇完不禁要讚嘆古人嘅智慧同建築工藝，仲可以想像一下當時日本人嘅生活方式添。
「奈良町機關人偶玩具館」等觀光景點
奈良町好多觀光設施都旨在向大眾介紹奈良悠久嘅歷史同傳統文化。例如有復原並展示江戶時代玩具嘅「奈良町機關人偶玩具館」、仲有展示奈良傳統工藝品嘅「奈良工藝館」等。特別推薦「奈良町機關人偶玩具館」，呢個係一個建設於120年歷史嘅老房子內嘅博物館，復原並展示咗17世紀到19世紀嘅機關玩具。呢啲玩具都可以實際試吓玩㗎！
世界遺產「元興寺」等奈良町的神社寺廟
奈良町有好多歷史悠久嘅神社、佛寺，例如有西元8世紀後半建造嘅「元興寺」、歷史超過1,200年嘅「御靈神社」等。嚟到奈良町老街，真係唔好錯過呢啲寺廟同神社建築呀。
奈良町嘅必吃美食
奈良町有各式各樣嘅餐廳，特別係日式料理店數量好多。奈良町嘅鰻魚飯名店「江戶川」，係由建於150年前嘅和服店改建而成，仍然保留日本傳統町家氣氛。創業150年嘅「平宗」係奈良名產美食「柿葉壽司」嘅名店，除咗可以欣賞日本傳統建築嘅外觀，當然唔好錯過入去品嚐美食啦！
奈良町的酒店住宿
奈良町內嘅酒店住宿唔多，只有少數幾間住宿設施，例如「HARUYA（はる家）」、「町屋建築民宿奈良町（屋 ゲストハウス ならまち）」。如果想去奈良町觀光，建議可以喺近鐵奈良站附近嘅酒店作為落腳點呀。
去奈良町嘅交通方法
要去奈良町玩，可以先從近鐵奈良站步行約13分鐘到位於奈良町中心嘅旅遊服務中心—奈良町情報館，拎好旅遊資訊再輕鬆玩轉奈良町！
相關資訊
- 名稱：奈良町（奈良町情報館）
- 地址：奈良縣奈良市中院町21
- 交通方式：近鐵奈良站步行約13分鐘
- Wi-Fi支援：有（Nara Free Wi-Fi）
- 應該語言：中文、英文、韓文
- 可使用信用卡：VISA, MasterCard, JCB, AMERICAN EXPRESS, Diners Club International（依設施而定）
Comments