"Red Pumpkin" ©Yayoi Kusama,2006 Naoshima Miyanoura Port Square Photo／Daisuke Aochi
Unauthorized reproduction prohibited.
日本香川縣直島係「瀨戶內國際藝術祭」嘅主要會場，作為日本嘅現代藝術聖地而備受注目。本文將為您介紹直島島上藝術品、草間彌生著名「紅南瓜」作品，以及由妹島和世及西澤立衛兩人共同成立嘅SANAA建築公司嘅藝術品。
四國香川縣藝術之島「直島」
直島係屬於香川縣直島町中27個小島嘅主要島嶼，島上約有3,100人居住。約100年前，直島以劇場聞名，由女性來操作嘅傳統人偶戲劇場「直島女文樂」仍然保留至今。
必睇！多件草間彌生及SANAA等一眾日本藝術家作品
直島最吸引人之處，係散佈於島上嘅多個藝術作品。宮之浦地區有草間彌生嘅紅南瓜作品，仲有藤本壯介嘅「Naoshima Pavillion」；而本村地區則有妹島和世及西澤立衛合辦嘅公司SANAA所製作嘅直島碼頭建築、三分一博志所設計嘅「Naoshima Hall」。世界知名藝術家嘅作品融合直島嘅自然風光，一定令你留下深刻印象。
瀨戶內國際藝術祭會場
瀨戶內國際藝術祭係3年一度，於直島、豐島、女木島、男木島舉行嘅大型藝術盛典。直島作為主要會場，島上會舉行一系列嘅導賞團及工作坊，藝術祭期間亦會有船班連接12個瀨戶內海上島嶼嘅其中5個作為會場嘅離島，而且會有限定範圍內3日任搭嘅船票發售，有興趣嘅不妨買船票自由搭去各個島嶼遊覽及欣賞藝術作品喔。
直島酒店住宿
直島上最主要嘅住宿係「Benesse House」，係一間酒店兼現代美術館。房價由大約每人20,000日圓起，而套房的話則大約100,000日圓。如果預算有限，亦可以考慮選擇入住直島上嘅hostels或guesthouse，大約一晚5,000日圓。
直島特色手信－海鹽
直島特產海鹽特別出名，僅使用海水及太陽曬乾製作而成，並以品牌名稱「SOLASHIO」於直上島販賣。其他使用「SOLASHIO」製成嘅副產品，例如鹽雪糕、鹽「大福」（日式糯米糍）、鹽朱古力及鹽焦糖等等，買嚟做手信都非常唔錯！
直島交通資訊
由於島上無機場，所以移動前往直島嘅方法只有一個－「搭船」。
若從岡山出發，可以到宇野港搭船；若從高松出發的話，則可以到高松港搭船。
從高松出發到直島
高松機場 → [機場巴士] 約45分鐘 → 高松站 → [步行] 約5分鐘 → 高松港碼頭 → [船] 約50分鐘 → 直島（宮浦碼頭）
從岡出發到直島
岡山機場 → [機場巴士] 約30分鐘 → 岡山站 → [巴士] 約1小時 → 宇野港碼頭 → [船] 約20分鐘 → 直島（宮浦碼頭）
Comments