位於奈良縣櫻井市嘅長谷寺係真言宗豐山派嘅總本山（即大本營）。寺內嘅正殿被列為日本國寶，亦可以參觀被登錄為重要文化財嘅珍貴建築物、日本最大嘅木造佛像，「十一面觀音菩薩像」。而且境內庭園又種滿四季花草樹木，嚟到睇庭園景色都好吸引！
奈良縣長谷寺的簡介
位於奈良縣櫻井市嘅長谷寺係真言宗豐山派嘅總本山。建於初瀬山嘅山谷深處，內裡供奉著伽藍菩薩佛像，仲有沿著斜坡而立嘅長谷寺正殿、從仁王門伸延出來，被稱為登廊嘅階梯長廊等，可以欣賞到各種被列為日本國寶或重要文化財等令人讚嘆嘅建築物。另外，因寺內供奉著高約10米嘅「十一面觀音菩薩像」本尊，以慈眉善目迎接參拜者。多名僧侶每朝早都會進行修行，大家亦可以參加，透過念經感受佛教莊嚴氣氛。
奈良長谷寺嘅特色
長谷寺嘅特色重點為歷史悠久、珍貴嘅建築物及佛像。登廊係一條共有399級石階嘅長廊，與四季風景互相輝映下嘅風景十分美麗。而被列為重要文化財嘅「十一面觀音菩薩像」係日本最大嘅木造佛像。如果喺特別參拜期間更可以直接觸摸菩薩像嘅腳部，係一個非常難得且珍貴嘅機會。另外，正殿眺望附近嘅群山美景都好值得一看。
長谷寺的牡丹花景
長谷寺內一年四季都有各種花卉綻放，更以賞牡丹花名勝自居，從4月中至5月頭係牡丹最佳觀賞期。而以往所舉辦嘅「牡丹祭」都好受歡迎，吸引多人前往賞花。
非常推薦長谷寺嘅秋冬美景
秋天時，美麗嘅紅葉將長谷寺點綴得如詩如畫，期間會舉辦「紅葉祭」。而冬天時前往更可以欣賞冬牡丹及雪景，四季都可以欣賞到唔同嘅景色。
長谷寺嘅開放時間及入場費用
奈良長谷寺嘅開放時間為4至9月08:30～17:00、10至11月及3月為09:00～17:00、12至2月為09:00～16:30。牡丹祭等期間會延長開放時間。費用方面，大人（中學生以上）500円、小學生250円。
去奈良長谷寺嘅交通方式
從東京出發嘅話，於東京站乘搭新幹線，於京都站落車。然後搭近鐵京都線，於「大和八木」站轉搭近鐵大阪線，最後於「近鐵長谷寺」站落車，徒歩約15分鐘。
景點資訊
- 景點名稱：長谷寺
- 地址：奈良縣櫻井市初瀬731-1
- 交通方式：東京站→[新幹線]→京都站→[近鐵京都線]→大和八木站→[近鐵大阪線]→近鐵長谷寺站⋯步行約15分鐘
- 是否提供Wi-Fi : 有
- 對應語言：5種語言（中文繁體字、中文簡體字、英文、韓文、法文），各地方設置QR code連解說網站看板。
- 購票地方：購票處
- 可否使用信用卡：不可以
Comments