位於石川縣金澤市嘅近江町市場，係一個集結好多專賣新鮮魚類、蔬菜店舖嘅市場。非常受當地居民同遊客歡迎。呢度有新鮮嘅海鮮美食、甜品等，可以一嚐「金澤的美味」，香港人咁鐘意食海鮮，住喺市場附近嘅酒店，每朝早去市場食海鮮做早餐都幾嘆喎！（流口水～）
近江町市場＝金澤的廚房
近江町市場自古以來支撐著金澤嘅飲食文化，被視為「金澤的廚房」。近江町市場內有約180間食品專賣店同飲食店，販賣新鮮海產同當地蔬菜水果等種類豐富食品。店與店之間到處擠滿人群，唔只遊客，當地居民都有好多，每日都熱鬧非常。
近江町市場嘅重點推介
近江町市場內有好多各式各樣嘅獨立專門店，從鮮魚檔、蔬果檔、肉檔、餐飲店等應有盡有，放眼望過去就係林林總總嘅店舖，可以感受日本市場嘅熱鬧氣氛。營業時間方面，雖然每間舖都可能唔同，但最早嘅從朝早8點就開檔，最夜營業到夜晚8點，而每間店舖都會有自定嘅休息日，唔怕去到全部無開，但留意多數會喺星期三休息，咁計劃行程就盡量避免星期三去啦。
近江町市場內嘅鮮魚檔
近江町市場內有26間鮮魚店，賣多種新鮮魚類，鐘意食魚嘅你就要去發掘各種日本魚嘅美味啦！
近江町市場內嘅茶葉鋪
如果鐘意日本茶，咁就唔可以錯過去近江町市場內嘅日本茶專門店啦！除咗有賣綠茶，仲有金澤嘅「加賀棒茶」等，可以按需要嘅份量購買。另外仲有抹茶軟雪糕等可以即場享茶製品嘅美味！
近江町市場推薦美食同餐廳
嚟到近江町市場當然唔可以特別推薦喺享用海鮮丼料理。從日本海捕獲嘅新鮮海產製作，係嚟到近江町市場必食嘅名產美食。
近江町市場推薦壽司店
近江町市場內有幾間壽司店，除咗海鮮丼，亦好推薦手握壽司。喺迴轉壽司店仲可以實惠嘅價錢食到新鮮海產嘅壽司添！
從金澤站去近江町市場嘅交通方式
如果想由東京出發去金澤，而家搭北陸新幹線就可以輕鬆去到金澤站啦。從金澤站行約15分鐘就到近江町市場。唔想行，搭巴士都得。喺金澤站東口6至9號巴士站，搭北陸鐵道巴士或城下町金澤周遊巴士，去到「武蔵ヶ辻・近江町市場」落車就喺面前。
景點資訊
- 景點名稱：近江町市場
- 地址：石川縣金澤市上近江町50
- 交通方式：從金澤站徒歩約15分鐘。或乘搭城下町金澤周遊巴士或北陸鐵道巴士，於「武蔵ヶ辻・近江町市場」落車徒歩即抵達。
- 是否提供Wi-Fi : 有
- 對應語言：根據店鋪而定
- 入場費：免費
- 可否使用信用卡：根據店鋪而定
Comments