屋久島位於九州南部嘅沖繩縣同鹿兒島縣之間，被列為世界自然遺產，係日本最美麗嘅大自然嘅寶藏之地。屋久島所有嘅自然景觀中，最出名嘅就係屋久杉同繩文杉，係杉木中最具代表性嘅。對於吉卜力動畫迷嚟講，白谷雲水峽係一定要去朝聖嘅地方，因為呢個係宮崎駿導演創作「魔法公主」嘅場景靈感來源。
關於屋久島上的白谷雲水峽
呢個係屋久杉嘅原始森林，係一個可以享受遠足嘅地方。依據個人嘅體力同時間，可以自選三條主要路線。沿途可以欣賞到彌生杉、圓形通道、七棵杉木，Bibinko杉木等種類豐富又獨特嘅杉樹。
青苔森林：動畫「魔法公主」的場景靈感來源
白谷雲水峽嘅特色之一「青苔森林」，其實係吉卜力動畫「魔法公主」其中一幕場景嘅靈感來源。深綠色嘅青苔，覆蓋整個地平線，散發出一陣神秘氣息。 嚟到呢度親眼睇吓呢個能夠觸動創作動畫靈感嘅秘境現場，就算無睇過電影嘅人，都一定感受得到其魅力！
順帶一提，呢啲青苔有溫感，可以試吓去摸吓，感受一下自然生態所散發嘅溫暖啦。
景點資訊
- 名稱：白谷雲水峽
- 地址：鹿兒島縣熊毛郡屋久島町宮之浦岳・石塚國有林内
- 交通：從宮之浦港巴士站（宮之浦巴士站・宮之浦港入口）搭巴士，車程約40分鐘、於終點站「白谷雲水峽」落車即達
- 預算： 中學高中生以上每人300円（撥入森林環境整備推進協力金以作維護）、巴士車費550円
- 可否使用信用卡：不可
Comments