位於鹿兒島縣同沖繩縣之間嘅奄美大島，係一座擁有無數美麗海灘嘅島嶼。今次為大家介紹奄美大島11個比較容易去嘅絕美海灘。
1. 笠利町的「土盛海岸」
土盛海岸位於奄美機場以北，約10分鐘車程。再往北少少就係熱門嘅「Ayamaru岬（あやまる岬）」。土盛海岸有美麗嘅風景同一個可以游水嘅海灘。
2. 笠利町的「大瀬海岸」
呢個係一段從奄美機場到土盛之間嘅海岸。雖然唔係一個可以游泳嘅海灘，但係一個可以探險尋找海洋生物嘅漂亮岩石海岸。 喺某啲季節，甚至仲可以睇到遷徙嘅候鳥同奄美嘅野鳥添。
3. 笠利町的「用安海岸」
位於奄美機場嘅西南方，車程大約10分鐘。再往西方行就去到「愛心石（心形岩）」。好多後生仔女好鐘意喺度影相打卡。愛心石係一個愛心形狀嘅水坑，漲潮時海水會淹過岩石，只有退潮時先睇得到㗎。
4. 龍鄉町的「手廣海岸（手広海岸）」
手廣海岸就喺前面提到嘅愛心石隔離。滑浪愛好者對呢度有好高評價，而且亦係2011年世界衝浪錦標賽嘅舉辦場地，再度證明呢度真係一個滑浪聖地。
5. 奄美市的「大濱海濱公園（大浜ビーチ）」
位於奄美市北部大濱海濱公園嘅大濱海灘非常受當地居民同遊客歡迎。由於距離酒店區好近，所以都好適合首先到訪奄美大島海灘嘅遊客。
6. 大和村的「國直海岸」
國直海岸嘅「國直海龜公園」係一個海龜嘅產卵地。於2018年開放，擁有天然、美麗嘅海岸，唔只適合海龜生存，鐘意游水嘅人都可以喺隻好好享受。
7. 宇檢村的「Taen濱海水浴場（タエン浜海水浴場）」
呢個係好適合家庭旅遊嘅海灘，現場設置咗防高海浪嘅堤防，仲有洗手間、淋浴間同更衣室呢啲基本海灘設施都好完善。
8. 瀨戶內町的「Honohoshi海岸（ホノシシ海岸）」
Honohoshi海岸面對太平洋，海浪打埋嚟很高，亦因為高波浪嘅衝擊力，海邊岩石被磨成圓形。而且呢個強大嘅海浪沖擊岩石時所發出嘅自然聲響都係呢個海灘嘅特色之一。
9. 瀨戶內町的「Yadori濱海水浴場（ヤドリ浜海水浴場）」
Yadori海灘係一個可以安全地游泳嘅海灘，仲有有一個露營場。喺度瞓返晚，享受夜晚滿天星斗，同奄美嘅壯麗日出，對於鐘意深度遊嘅遊客嚟講真係最正嘅旅程！
10. 位於加計呂麻島瀨戶內町的「實久海灘（実久ビーチ）」
從奄美大島古仁屋港碼頭搭船去加計呂麻島中部嘅世相港碼頭，再開車往北方向，車程約40分鐘後就到Saneku海灘。嗰度啲湛藍海水有「Saneku藍」之稱，就算千里迢迢過去都絕對值得！
11. 位於加計呂麻島瀨戶內町的「Suri海灘（スリ浜）」
從奄美大島古仁屋港碼頭搭船去加計呂麻島東部嘅生間港碼頭，再開車10分鐘即到Suri海灘。唔只可以喺度游水，仲可以玩水上電單車、體驗潛水等各種水上運動。淨係玩一日係唔夠㗎，建議住返一頭半晚啦。
Comments