學生已經開始放暑假，相信大家都已經諗緊去邊到玩。難得假期出街玩，當然要好好打扮自己，無論化妝定set頭都好重要。平時可能都會化下妝，但個髮型好似無乜新意，夏天熱，唔知點扎好，係咪諗到頭都大呢？
要夏天出街玩，髮型一定要滿足三大要求：清爽大方，容易整理、唔會整亂。
今日推薦大家幾種日本女生平時鍾意嘅便裝髮型，簡單方便得嚟又有少少日系feel，參考下話唔定可以俾到一啲靈感整個夏天新造型。
即刻後生左嘅內捲孖辮髻
- 適合長度：中長髮
- 難度：☆☆☆
最先介紹嘅係今年全世界都興嘅可愛孖辮髻。扎得比較低嘅孖辮髻，配埋攣攣地嘅前蔭，好有時興嘅復故感，就好似喺油畫走出嚟嘅少女咁。想要一個活潑可愛得嚟又特別啲嘅髮型，呢個係唔錯嘅選擇。
實際綁法：
- 喺頭部中間位置大概分為左右兩邊，髮線唔駛分太仔細，稍為留返少少凌亂感。
- 係左邊拎起¼嘅髮量扎起一束，髮束中間留出空位後，將整個髮束塞進去。右上邊同樣綁法。
- 左右下邊¼頭髮扎起一束後，方法同上。
法式低馬尾繽辮髻
- 適合長度：中長髮、長髮
- 難度：☆☆
最近係日本美妝網紅中流行嘅一款低馬尾造型，簡單隨意得嚟又有時尚感。非常適合日常約會、行街時用，配搭埋經典Chic嘅髮飾就更加分。第一睇望落好隨意嘅髮型，其實重點係頭頂部份嘅蓬鬆感，同埋耳下散落嘅碎髮。
實際綁法：
- 先用手將頭髮紮起一個低馬尾，綁個簡單嘅三手辮。
- 再將尾部用將橡筋固定起扎髻，拉鬆返繽辮等佢有嘅蓬鬆感。
- 最後拉返耳上嘅頭髮出嚟，用電棒捲稍微燙一下就完成。
日系絲巾頭帶
- 適合長度：短髮、中長髮、長髮
- 難度：☆☆
睇開日劇嘅話，呢個髮型應該唔陌生。無錯！一條百搭絲巾就可以令妳瞬間變時尚達人。絲巾嘅顏色可以根據當日著咩衫嚟配襯。例如：模特兒就著左鵝黃色嘅衫，所以絲巾就選左暗色底但有黃色圓點嘅款式，個造型靚得嚟又有嘅含蓄，有睇頭得嚟又唔會太誇張。
實際綁法：
- 如圖所示，頭髮兩側先留出部分頭髮，扎一個低髮髻。
- 絲巾由下到上沿耳後，最後係頭頂綁好，額頭兩側嘅頭髮用電棒捲到自己鍾意嘅弧度就搞掂。
BLANCO北堀江 大阪府/心齋橋
喺呢個資訊滿天飛嘅年代，要精準掌握潮流，對fashion敏銳嘅感性就更加難能可費。但BLANCO北堀江就做到呢點，所以吸引到好多都市嘅女性客人。Salon入面設置左獨立嘅半隔間，更加有私人空間，係整髮型時，仲可以自由睇雜誌休息，享受獨立嘅寧靜。
推薦方案
Set頭造型 5,000円
店家資訊
- 店家名稱：BLANCO北堀江
- 地址：大阪府大阪市大阪府西區北堀江1-7-4 永八大樓 1F
- 定休日：逢星期一、每月第三週的星期二
- 營業時間：平日11：00〜20：00（染燙至19：00）/週末及國定假日10：00〜19：00（染燙至18：00）
- 預約請按此
按下方圖片可搜尋更多店家
©Beauty Park 玩美花園
Comments