超人氣嘅忍者動漫作品「火影忍者」同埋描述漩渦鳴人個仔慕留人活躍表現嘅動漫「BORUTO-NARUTO NEXT GENERATIONS火影新世代」相信大家都好熟悉。以呢兩部作品為主題所推出嘅全新樂園「火影忍者&火影新世代 忍里（SHINOBI-ZATO）」隆重登場。係早前Anime Japan入面，就有介紹同公佈「忍里」園內入面嘅設施，不如同小編一齊睇下「忍里」係咩樣？
「火影忍者&火影新世代 忍里（SHINOBI-ZATO）」嘅設施
『火影忍者&火影新世代 忍里（SHINOBI-ZATO）』入口
火影岩
以鳴人同慕留人嘅「木葉隱村」為舞台，遊客可以體驗忍者修行。
火影新世代遊樂設施「天之卷」
火影新世代遊樂設施「天之卷」
喺卷軸「天之卷」入面，有兩條唔同嘅闖關路線，分別係「漩渦路線」同「宇智波路線」，大家會被困迷宮，要收集所有伙伴嘅印章然後逃出去。
漩渦路線
呢條路線要用到體能，有好多個斜坡同階梯，考驗忍者嘅「體力」。
宇智波路線
呢條路線要活用頭腦，設有多個陷阱同機關，考驗忍者嘅「智力」。
火影忍者遊樂設施「地之卷」
火影忍者遊樂設施「地之卷」
遊客將化身為木葉隱村的忍者，必須收集失散喺7處地方嘅「查克拉碎片」再轉寫至卷軸「地之卷」，將封印恢復原狀之後就算完成任務。遊客會挑戰卷軸上記載嘅七大任務，其中會碰到「曉」「修練仙術」眾多試驗考驗大家，成功挑戰闖關之後先叫完成任務。
另外，園入面好多地方都有AR景點，手機下載相關APP「火影を目指せ！（目標成為火影！）」，開啟APP之後，就可以拍出實際施展忍術的照片。
木葉隱村村內
完整重現了動漫的世界觀。仲有鳴人成日去嘅拉麵店「一樂」為主題設計嘅廳。當然唔少得紀念品店，可以買到約70種類的原創周邊等等商品，要親身嚟到「忍里」嘅「木葉隱村」先買到啊。。來到忍里的木葉隱村才買得到唷。
「火影忍者&火影新世代 忍里（SHINOBI-ZATO）」相關資訊
- 地址：兵庫縣淡路市楠市2425（兵庫縣立淡路島公園動漫主題樂園「二次元之村」Ｅ停車場附近）
- 營業時間：10：00～22:00 ※最後入場時間20:00
- 門票：成人／3,300円、中學生／1,800円、小學及以下／500円（未包稅）※4歲以下免費入場。
- 所需時間：大約2~3小時
- 備註：
- 「天之卷」同「地之卷」如果闖關成功，會獲得特典禮物。
- 遊樂設施可能依天候不良及安全上嘅考量，暫停開放入場。
Comments