長崎雲仙溫泉位於國立公園内，係一個自然環境豐富嘅溫泉鄉。可以享受含硫磺量多，酸性度強為特徵嘅溫泉水。「雲仙地獄」飄著濃濃嘅硫磺氣味以及白色煙霧迷離。於白茫茫嘅街道上，旅館及酒店排得密密麻麻，到處充滿遊客。一於就嚟呢個溫泉鄉盡情享受大自然啦！
歷史悠久嘅雲仙溫泉
長崎嘅雲仙溫泉位於日本最古老嘅國立公園內，係一個擁有約1,300年歷史嘅溫泉。於明治時代作為避暑勝地而吸引大量外國人前往造訪。溫泉街分為「古湯」，「新湯」，「小地獄」三個區域。可以享受獨特嘅強酸性溫泉泉質。住宿地方唔同，溫泉嘅顏色都會有唔同，有透明無色、乳白色等都有。可以喺被大自然環境圍繞嘅環境下，一邊浸溫泉，一邊欣賞四季更迭美景。
雲仙溫泉觀光名勝「雲仙地獄」
「雲仙地獄」係雲仙溫泉具代表性嘅觀光名勝。雲仙地獄一帶各處都係高溫溫泉，煙霧噴發激烈。空氣中飄著濃烈嘅硫磺氣味，白色煙霧瀰漫嘅景色，係影夢幻相嘅好去處！可以沿著雲仙地獄内嘅步道漫步，亦可以喺休憩所體驗「足蒸」設施，感受地熱及溫泉噴氣。另外，仲有販賣以溫泉熱力蒸煮嘅雞蛋。一於趁呢個機會嚟感受一下雲仙地獄嘅「熱情」啦！
雲仙溫泉嘅酒店、旅館
喺雲仙溫泉鄉一共有19間歷史悠久嘅酒店以及與雲仙地獄相鄰嘅溫泉旅館。喺呢片大自然優美柔和嘅環境下，任何一間酒店或旅館都可以眺望四季更迭美景。例如有適合長期逗留嘅住宅式住宿，只住不附早餐嘅平價客房等類型都可以選擇，就揀自己最啱心水嘅住宿好好享受喺日本溫泉鄉嘅體驗啦！
去長崎雲仙溫泉嘅交通方式
香港以往大部份都係直航航班飛東京、大阪、福岡等大城市較多，但而家廉航都有埋直飛長崎機場嘅航班啦！喺長崎機場搭機場巴士，去到「諫早巴士總站」落車，轉搭島鐵巴士，於「島鐵巴士雲仙營業所」落車。
景點資訊
- 景點名稱：雲仙温泉
- 地址：長崎縣雲仙市小濱町雲仙
- 交通方式：於長崎機場乘搭機場巴士，於「諫早巴士總站」落車，轉搭島鐵巴士，於「島鐵巴士雲仙營業所」落車。
- 是否提供Wi-Fi : 有
- 對應語言：根據設施而定
- 可否使用信用卡：根據店舗以及住宿旅館而定
Comments