平和公園（日文「平和」即中文「和平」的意思）位於日本長崎縣長崎市，為祈求世界和平、不再發生悲慘嘅戰爭，公園內可以鑑賞和平祈禱像同紀念碑。
長崎平和公園內具日本代表性嘅紀念碑
日本長崎縣內嘅平和公園係位於長崎市嘅小山丘上嘅公園。歷史上，長崎市於1945年8月9日被投下原子彈，發生嘅大爆炸奪走眾多人嘅生命。作為一個空間讓人祈願世界和平，誓要避免重蹈覆轍、發動悲慘戰爭。
分為5個區域的長崎平和公園
長崎嘅平和公園距離長崎站只有2.5公里。公園嘅面積約為18.5公頃。為訴說當時實際狀況、提倡世界和平及文化交流，平和公園於1951年作為紀念設施而建立。公園內分為個5個區域，有和平祈禱像同紀念碑嘅「願望區」、被投下原子彈發生爆炸嘅中心地「祈禱區」、長崎原爆資料館「學習區」、有田徑競技場等嘅「廣場區」、有足球場及泳池等嘅「運動區」。
長崎平和公園嘅紀念碑
平和公園內嘅「祈禱區」有平和紀念像、平和之泉等，亦放置來自世界各國捐贈嘅紀念碑。年中都有好多人前來祈願和平。
長崎平和公園中意義深遠嘅雕像
長崎平和公園內放置著象徵長崎市民祈願和平嘅「平和祈念像」。青銅製嘅和平祈念像高9.7米高、重30噸，由長崎出身嘅雕刻家北村西望所製作。平和祈念像象徵神之大愛及佛之慈悲，右手指上天表示原爆之威脅，左手以水平地伸直表示和平，加上輕輕閉上眼簾，意味著為原爆受害人祈禱冥福。每年嘅8月9日為悼念原爆日子，都會喺平和祈念像前舉行祈願和平嘅儀式典禮。
去長崎平和公園嘅交通方法
如果唔係搭直達航班直接到長崎，都可以喺東京搭內陸機去長崎先，再喺長崎機場搭巴士，到長崎站落車，再轉車搭路面電車去到平和祈念公園站落車，步行約3分鐘。
景點資訊
- 景點資訊：長崎平和公園
- 地址：長崎県長崎市松山町 平和公園内
- 交通：長崎駅搭路面電車，到平和祈念公園落車，徒歩約3分鐘。
- Wi-Fi支援：有
- 對應語言：僅限日文
- 入場費：免費
- 可否使用信用卡：不可以
Comments