松本市當中最著名莫過於日本國寶松本城，所以松本都有好多酒店去接待遊客，作為觀光目的地，附近仲有被列為重要文化財嘅舊開智校舍、祈求願望成真嘅「四柱神社」等觀光景點，所以住喺松本，再慢慢發掘附近景點都唔錯呀！就等我哋為你介紹去松本旅行住咩酒店好啦。
入住松本車站附近嘅舒適酒店
喺松本站除咗可以搭到電車，車站隔離仲可以搭到松本市内周遊巴士、Town Sneaker觀光巴士等去到松本城、松本市美術館等，就算行都係行12分鐘就到具江戶時代風情嘅中町通，或行15～17分鐘就到松本城等多個松本觀光景點。所以入住松本車站附近嘅酒店就最好不過，方便俾你一次過玩轉整個松本！
地理位置優越嘅The Richmond Hotel Matsumoto
The Richmond Hotel Matsumoto距離松本車站同松本城都近，作為松本旅遊嘅落腳點都好適合。另外，住客可以使用自助入住及退房系統，可快速辦理手續。喺1樓嘅家庭式餐廳可以食到提供當地料理，日式及西式餐點嘅自助餐，豐富且多樣化。
客房整潔舒適，所有客房都有設置附加濕功能嘅空氣清新機，住宿日用品齊全。另外，酒店使用著名床褥品牌蓆夢思（Simmons）床褥，咁就可以瞓得舒服，瞓得夠自然可以一掃旅途奔波嘅疲累，第二日繼續盡情去玩！
酒店資訊
- 酒店名稱：The Richmond Hotel Matsumoto
- 地址：長野縣松本市中央1丁目10番7號
- 交通方式：於JR松本站徒歩約4分鐘。或從松本機場乘搭巴士約30分鐘至松本巴士總站落車徒歩約4分鐘。
- 是否提供Wi-Fi：有
- 對應語言：英文
- 可否使用信用卡：可以
松本地標之一：The Hotel Buena Vista
The Hotel Buena Vista嘅客房有景觀房可以睇到松本市景，而且有多達20種以上唔同嘅房間類型可以選擇。無論邊間客房都可以俾人一個舒適嘅空間休息放鬆。另外，住喺行政樓層嘅住客仲可以喺專用貴賓室同朋友食住宵夜，談談心，摸摸酒杯添！
另外，酒店餐廳提供日式、中式、法式等絕品料理而聞名。自助式早餐提供以當地食材製成嘅料理，仲有多種廚師特制的雞蛋料理等應有盡有。
景點資訊
- 景點名稱：The Hotel Buena Vista（Matsumoto）
- 地址：長野縣松本市本莊 1-2-1
- 交通方式：於JR松本站乘搭免費接駁巴士約2分鐘。於JR松本站徒歩約7分鐘。
- 是否提供Wi-Fi：有
- 對應語言：中文、英文、西班牙文、德文、法文、韓文
- 可否使用信用卡：可以
於松本城附近嘅「松本花月酒店」度過悠閒時光
唔只松本車站周邊，松本城附近都有可以入住嘅酒店，例如「松本花月酒店」，其他仲有多間散發大正時代浪漫情調嘅酒店。另外，從松本城搭車約10分鐘，就可以去到擁有1,300年以上歷史嘅淺間溫泉，作為距離松本城最近嘅溫泉而聞名，喺正市中心都有溫泉設施，推薦俾唔想去咁遠浸溫泉嘅朋友呀！
Comments