長野縣野澤溫泉村推薦酒店4選：盡情享受大自然、溫泉、冬季滑雪

長野縣北部嘅野澤溫泉村以溫泉及滑雪場聞名，酒店住宿都非常多。有超過30個泉源，其中之一嘅「麻釜」被列為天然紀念物。去野澤溫泉村旅遊絕對唔可以錯過嘅體驗之一，就係去屬於村民共同擁有嘅13座公共溫泉「外湯」，嚟返個「外湯巡禮」。呢次就要為大家介紹可以盡情享受野澤溫泉大自然同浸溫泉嘅4間家推薦酒店。

可以眺望野澤溫泉村美景嘅「野澤格蘭酒店」

野澤格蘭酒店地理位置優越，擁有絕佳視野，可以眺望野澤溫泉街美景。酒店使用「真湯」及「麻釜」2種泉源。觀景露天溫泉浴池嘅溫泉水引自「天下名湯」真湯源泉，溫泉水嘅顏色會隨天氣而變色。觀景大浴場同包場露天溫泉都可以享受引自「麻釜」泉源嘅溫泉水。

另外，酒店提供當地特色菜餚，晚餐可以享用信州牛、信州三文魚等。早餐係自助餐，可以享用到廚師喺自家菜園種植嘅新鮮蔬菜、手工果醬、鄉土料理等，食飯時仲可以享受眺望庭園景色添。

酒店資訊

• 酒店名稱：野澤格蘭酒店（Nozawa Grand Hotel）
• 地址： 長野縣下高井郡野澤温泉村大字豐郷8888
• 交通方式：於JR飯山站乘搭野澤溫泉liner巴士約25分鐘，徒歩約5分鐘。於JR飯山站乘搭長電巴士約45分鐘。
• 是否提供Wi-Fi ：有
• 對應語言：英文
• 可否使用信用卡：可以

距離野澤溫泉滑雪場好近！擁有四季美景同溫泉嘅「野澤景觀酒店 嶋田屋」

野澤景觀酒店 嶋田屋位於野澤溫泉村比較高嘅地方，所以喺度可以將溫泉村美景盡收眼底。喺觀景露天溫泉一邊浸一邊享受北信五岳四季唔同景色同夕陽美景，簡直係人生一大享受！另外，呢間酒店距離野澤温泉滑雪場非常近，好適合想去滑雪嘅旅客住。

房間類型有寬敞嘅和室、西式豪華雙人房、和洋室等多種選擇。無論係呈現季節感嘅料理、溫泉定係自然美景，呢間酒店都可以一次過滿足到你！

景點資訊

• 景點名稱：野澤景觀酒店 嶋田屋（Nozawa View Hotel Shimataya ）
• 地址：長野縣下高井郡野澤溫泉村豐郷8858
• 交通方式：於JR飯山站搭車約25分鐘
• 是否提供Wi-Fi ：有
• 對應語言：英文
• 可否使用信用卡：可以

「鄉村酒店住吉屋」 裝飾著復古彩色玻璃格窗嘅名湯溫泉池

於1869年創業嘅溫泉旅館「鄉村飯店住吉屋」擁有自家泉源。室內溫泉浴池提供源泉掛流嘅天然溫泉（直接將天然湧出嘅溫泉引入浴池，沒有再經過加水、過濾或加藥劑等程序），自然光從浴場周圍嘅彩色玻璃隔窗照入嚟，反射喺溫泉池，水面呈現彩色畫面，無論視覺定身心都得到極致享受。

呢間酒店使用當造食材製作會席料理、鄉土料理等等。早餐提供以麻釜溫泉水煮嘅溫泉蛋、自家製漬物等料理。

酒店資訊

• 酒店名稱：住吉屋酒店
• 地址：長野縣下高井郡野澤温泉村大字豐郷8713
• 交通方式：於JR飯山站乘搭巴士約25分鐘，於野澤溫泉巴士站落車，徒歩約5分鐘
• 是否提供Wi-Fi ：有
• 對應語言：英文
• 可否使用信用卡：可以

「野澤地址酒店」設備齊全、舒適度滿分，給你一個家的感覺

野澤地址酒店嘅地理位置優越，距離野澤溫泉只有幾百米距離。呢間係一間設計時尚嘅公寓式酒店，客房裝潢採用絢麗嘅色彩，空間設計融合咗日式同西式風格。

酒店內有24小時開放嘅室內溫泉。所有客房都配備齊全嘅廚房設備、洗衣機、乾衣機，給你一個徹底放鬆嘅空間，就好似屋企一樣嘅感覺，真係住幾耐都得。

酒店資訊

• 酒店名稱：野澤地址酒店（Address Nozawa ）
• 地址：長野縣下高井郡野澤溫泉村豐郷9535番地
• 交通方式：於JR飯山站乘搭巴士約25分鐘，於野澤溫泉落車，徒歩約3分鐘
• 是否提供Wi-Fi ：有
• 對應語言：英文
• 可否使用信用卡：可以