《名偵探柯南：紺青之拳》8月15日香港上畫預先喺Anime Japan公開嘅最新周邊

《名偵探柯南》喺全球都大受歡迎，第23部電影《名偵探柯南：紺青之拳》喺日本4月已經上畫，票房貼近90億円。而配合電影上畫，喺早前嘅「Anime Japan」展覽入面，都展出左好多新嘅公仔、手錶等相關週邊。同小編一齊嚟睇下最近嘅柯南周邊吧～

名偵探柯南＆怪盜基德公仔

喺動漫畫入面嘅登場人物全部一字排開，好想帶哂佢地返屋企。最後面嘅大公仔係「特大趴睡公仔」（含稅9,720日圓）系列。個造型仲要係今次電影版裡面嘅怪盜基德款式。係咪好想攬住佢嚟瞓呢？

個公仔成70cm高，抱起嚟好舒服。不過因為呢個系列太受歡迎，據說呢款怪盜基德嘅趴睡公仔已經賣哂….。唯有期望佢會再追加發售。

會場上亦有展示人氣角色嘅最近Figure公仔。「豪華版坐姿公仔模型怪盜基德」就啱啱喺5月底上市，可以放喺枱邊，就好似怪盜基德一直坐喺到陪你咁。有2種唔同款。

豪華版figure公仔嘅表情都造得好仔細，精緻到忍唔住一路定睛望住。

柯南每次令毛利小五郎瞓著嘅工具-「手錶型麻醉槍」，喺作品入面嘅其中一個成日出場嘅物件。所以順利成章柯南都有推鐘錶類嘅週邊。今次「名偵探柯南豪華陀錶2019」總共有6種款式，除左有喺今次最新電影入面大顯身手嘅京極真同與怪盜基德之外，仲有柯南、安室透、赤井秀一款式。

另外，柯南最拿手嘅足球亦都有出到周邊。「名偵探柯南豪華版足球2019」有2種款式，分別係柯南同埋怪盜基德嘅圖案。

鍾意《名偵探柯南》嘅你，係咪要將所有週邊搬返屋企呢？

《名偵探柯南：紺青之拳》會喺暑假8月15日喺香港上畫，身為《名偵探柯南》粉絲，當然唔可以錯過啦！