依水園係位於奈良縣奈良市嘅日本庭園，四季各異嘅花卉景色係特色之一。另外，庭院內有一座美術館，展示東亞古代美術品。嚟到奈良旅遊，可以去呢個謐靜又充滿歷史性嘅地方走走啦啦隊！
奈良依水園內簡介
依水園係位於奈良縣奈良市嘅日本庭園。附近有東大寺、興福寺等著名嘅佛寺。依水園為池泉迴遊式庭園，由兩個喺唔同時代建造嘅前園同後園所組成。前園建於江戶時代，後園建於明治時代。庭園内有各種如茶室等歷史建築物。另外，坐落於庭園內嘅寧樂美術館嘅館藏品豐富，涵蓋中國古代青銅器、高麗朝鮮王朝時代嘅陶瓷、日本茶道用具等等。
依水園嘅特色
依水園嘅特色就係係擁有美麗嘅池泉迴遊式庭園，可以喺庭園內欣賞四季更迭嘅自然景致。春天綻放櫻花，杜鵑花，夏天欣賞荷花。秋天欣賞日本庭園與紅葉相輝映嘅美景，冬天則可以欣賞覆蓋著積雪嘅傳統建築。
日本依水園的參觀資訊
依水園前園內嘅用餐處「三秀亭」係江戶時代（1670年～）奈良晒（高級麻織布）嘅富商為享用煎茶，將該亭移建於此。推薦喺呢度邊品嘗茶點或用餐，邊欣賞日本庭園美景。位於依水園內嘅寧樂美術館門票，包含喺依水園嘅入場費裡面，可以順道一遊。寧樂美術館嘅藏品涵蓋中國（宋朝至明朝）、韓國（高麗至李朝時代）嘅器物，以及日本（江戶時代）嘅茶道陶瓷器等，都係難得一見嘅珍寶。
依水園入場費用
依水園嘅入場費用為大人900円、大學生810円、中學生500円、小學生300円。
依水園開放時間
依水園開放時間為09:30～16:30（截止16:00入場）。毎星期二休息，年尾年頭日本新年假期都會休館。
去依水園嘅交通方式
從東京出發嘅話，喺東京站乘搭新幹線到京都站落車，轉搭往近鐵奈良方向嘅近鐵京都線特急，於近鐵奈良站落車，徒歩約15分鐘。
從依水園行去東大寺
建議可以將依水園同被列入為世界遺產嘅東大寺擺落同一日行程，因為東大寺就位於依水園隔離，從依水園行5分鐘可到東大寺。
景點資訊
- 景點名稱：依水園
- 地址：奈良縣奈良市水門町74
- 交通方式：東京站→[新幹線]→京都站→[近鐵奈良方向 近鐵京都線特急]→近鐵奈良站⋯步行約15分鐘
- 是否提供Wi-Fi : 沒有
- 對應語言：僅限日文
- 購票地方：購票處
- 可否使用信用卡：不可
Comments