長野縣「高遠城址公園」,以聲名顯赫嘅武將世家城堡為中心所建造而成嘅公園。更係賞櫻熱門地，吸引各國觀光客前往造訪。今次小編就要為大家介紹「高遠城址公園」必去必玩好去處。
關於高遠城址公園
「高遠城址公園」喺江戶時代末期，明治時代初期之際，跟住政府嘅指示拆卸後所建成嘅公園。清拆完成後，城内原有嘅一樹一木都被一賣而空，瞬變一片荒蕪。其後,櫻花移到於呢片荒地去栽種，遷移城下町門到此而奐然一新。園内有新城，藤原神社，登錄為有形文化財嘅高遠閣，歷史博物館等多處名勝景點。
高遠城址公園!不可錯過!
高遠城址公園賞櫻
高遠城址公園被譽為「日本三大櫻花名所」。城堡拆除後，昔日嘅藩士唔忍心呢個地方變得冷冷清清，便種咗櫻花樹。園內超過130年嘅老樹有20棵，年紀超過50歲嘅櫻花樹都有500棵，可以感受到佢嘅歷史。春天時，連同年輕嘅櫻花樹加埋有1500棵盛開。通常最佳賞櫻期間為４月頭至中旬左右。毎年都會舉行櫻花祭，呢度嘅櫻花品種係比染井吉野仲細仲紅嘅高遠小彼岸櫻，呢片櫻花林指定為長野縣天然紀念物，傳達出失去城堡之後藩士們嘅情感。
高遠城址公園賞紅葉
高遠城址公園亦係賞紅葉名勝。春天被櫻花搶晒鋒頭嘅250棵楓樹，喺秋天楓姿重現，一步入秋天，公園呈現紅、黃交錯嘅紅葉美景。通常最佳觀楓時期為10月尾至11月中。毎年都會舉行紅葉祭，可以一邊眺望紅葉美景、一邊品嚐新蕎麥。
高遠城址公園嘅高遠閣
高遠閣為木造2層嘅建築，作為觀光客造訪高遠城址公園之時休憩嘅地方，仲係一個觀光詢問處。而且提供當地居民集會使用嘅收費休息場所。於1936年建成，於2002年列為國家有形文化財，這棟日本和風建築物融入咗部分現代元素,同時與城跡相互襯映，可謂充滿歷史氛圍嘅建築物。
高遠城址公園嘅交通資訊
從東京出發嘅話，於新宿站乘搭特急至岡谷站，轉搭JR飯田線至伊那市站，轉搭巴士係高遠站停留所落車，徒歩約15分鐘抵達高遠城址公園。另外，都可以從新宿巴士總站乘搭高速巴士至伊那巴士總站，從伊那市到高遠城址公園都係搭巴士。從新宿搭高速巴士更可以觀賞車窗外嘅景色。
景點資訊
- 景點名稱：高遠城址公園
- 地址：長野縣伊那市高遠町東高遠
- 交通方式：
- 新宿站乘搭特急約2小時30分鐘至岡谷站，轉搭JR飯田線至伊那市站，轉搭巴士約25分，於高遠站落車，徒歩約15分鐘
- 新宿巴士總站乘搭巴士至伊那巴士總站約3小時25分鐘，落車徒歩約5分鐘，於伊那市站乘搭巴士約25分鐘，於高遠站落車，徒歩約15分鐘
- 是否提供Wi-Fi ：高遠閣、本丸、二之丸有免費Wi-Fi
- 可否使用信用卡：唔支援
- 開園時間： 上午8:00～下午5:00 賞櫻最佳期間上午6:00～下午10:00
- 票價：賞櫻期間收費 大人500円、小童250円
Comments