係日本東海地區有個遊樂園，出名超多令人尖叫嘅機動遊戲，講緊嘅係位於三重縣桑名市長島町嘅「長島溫泉樂園」。呢個園內嘅過山車數量可以稱得上全日本最多！除左有日本第一架會4個方向轉動嘅過山車「暴風雨（嵐ARASHI）」外，仲有好多令你可以盡量大聲尖叫嘅機動遊戲。所以嚟到呢個遊樂園，行到邊都會成日聽到慘叫聲。今次想同大家介紹嘅最新過山車，係亞洲地區入面第一架用木材同鋼鐵混合而成嘅新款過山車—「白鯨」！
木材鋼鐵混合製造嘅過山車
呢座亞洲首創嘅過山車「白鯨」，前身係木製過山車「白色旋風」，起嘅時候亦係當時全球最大規模嘅木製過山車。除左釘同螺絲同埋路軌外，主枝柱在內嘅所有架構都係用木製。坐過山車時聽到木製特有嘅「吱吱聲」而特別受歡迎。不過2018年「白色旋風」同大家講左Byebye，今年3月就變身成用木同鐵混合嘅過山車，重生復活同大家見面。
實際體驗巨大白鯨嘅威力
360度嘅螺旋式旋轉，係呢保過山車嘅基本轉動方式。最大傾斜角度居然有成80度，再加上最快每小時107公里嘅速度，咁樣一衝而下真係好難唔大叫。軌道全長1,530米，先嚟過大左轉，再嚟過右飄移咁，行完一個圈都要差唔多2分40秒，算係比較長嘅過山車。穿梭喺木製柱子間嘅快感，同埋飄移無重力狀態嘅快感同懸空感，如果鍾意玩呢類機動遊戲的朋友一定唔可以錯過。
景點資訊
- 景點名稱：長島溫泉樂園
地址：三重縣桑名市長島町浦安333
營業時間：平日9：30～17：00 ／六、日、假日9：30～18 ：00（依時期不同）
門票：成人1,600円、小學生1,000円、2歲以上的兒童500円（搭乘遊樂設施額外購入套票或搭乘券）
交通方式：在名古屋站附近的名鐵巴士總站搭乘高速巴士至「長島溫泉」站下車，車程約50分鐘 /從JR近鐵線「桑名站」搭乘巴士至「長島溫泉」站下車，車程約20分鐘
- 官方網站：http://www.nagashima-onsen.co.jp/index.html/
Comments