位於長野縣山之内町嘅湯田中溫泉歷史悠久，據說起源於西元7世紀。湯田中溫泉泉水被認為係可以治病、令人健康長壽，係一個自古以來備受文人喜愛嘅熱門溫泉鄉。江戶時代嘅著名俳句詩人—小林一茶喺晚年經常造訪湯田中溫泉，因而以其名設立咗「一茶嘅散步道」路線。
治療疾病及心靈嘅「湯田中溫泉」
長野電鐵長野線嘅終點站「湯田中」係通往湯田中溫泉嘅車站。出咗早閘後對面就係日歸天然溫泉設施「湯田中站前溫泉 楓之湯」（即唔使入住就可以享用溫泉設施）。呢種建於車站月台旁嘅溫泉設施，喺日本相當罕見。設施嘅外面有足浴，一到站即刻浸一浸先！鄰近足浴嘅地方，有一棵樹齡400年嘅巨大楓樹，亦係溫泉設施個名嘅由來。秋天時，滿山遍野嘅紅葉景色，充滿日本秋天嘅特色。
另外，從車站行25分鐘就會見到一個休憩設施「道之驛 北信州山之內」，可以喺度買到日本傳統工藝品及地酒等當地特產，仲可以食到信州蕎麥麵。喺度輕鬆慢慢行，浸返個靚溫泉，享受吓悠閒嘅生活啦。
湯田中溫泉街大約有14間旅館。大部分都係歷史悠久嘅老舖旅館，擁有日本傳統建築物外觀及懷舊復古嘅裝潢。湯田中澀溫泉鄉有九個公共浴場，住宿旅客就算喺酒店退房後，都可以繼續嚟返趟「九湯巡禮」，感受信州溫泉嘅魅力！
雪猴浸溫泉嘅可愛一面
位於湯田中澀溫泉郷附近嘅「地獄谷野猿公苑」，會有野生獼猴浸溫泉。冬天去時，自己浸完溫泉，去睇吓馬騮浸溫泉幾盞鬼！
景點資訊
- 景點名稱：地獄谷野猿公苑
- 地址：長野縣下高井郡山之内町大字平隠6845
- 交通方式：從湯田中站搭乘巴士約15分鐘於「上林溫泉巴士站」落車後步行35分鐘
- 對應語言：官網內可以下載電子小冊子（中文、英文）
- 票價：入場費大人800円、小學生至中學生400円
- • 可否使用信用卡：可以
Comments