長野縣山之内町志賀高原嘅魅力之處

想去長野縣觀光嘅話，不如考慮吓山之内町志賀高原啦！特別係想睇日本雪景的話又有一個好選擇。

以下就要為大家介紹冬天至春天去遊志賀高原時必去嘅名勝景點！

到志賀高原橫手山山頂嘅滑雪場欣賞雪怪「樹冰」

而位於海拔2,307米横手山嘅「樹冰」猶如巨型雪怪咁，睇落非常壯觀。「樹冰」係指寒冷天氣時空氣中嘅水滴同霧凝結成霜、加上積雪令樹木顯得更壯大因為得名。整個雪山佈滿樹冰，整個景觀夠唒震撼！

除咗可以搭吊椅纜車上到山頂睇樹冰景色，亦推薦去滑雪場體驗滑雪，盡情享受壯麗嘅白色雪景同雪地嘅娛樂活動啦！

連接長野縣澀溫泉鄉及群馬縣草津溫泉嘅道路為自駕遊嘅熱門路線。11月後喺冬季會封鎖道路嚟做除雪工作，之後會喺4月底再次開放。呢個時候嚟旅行嘅話，就可以穿過呢個高約5至8米嘅「雪之迴廊」雪壁，係作為多積雪嘅長野獨有嘅景色。

日本代表性建築師黑川紀章以森林為概念而設計出「志賀高原浪漫美術館」，外形為優美嘅橢圓形同鑲有鈦片嘅混凝土墻壁為特徵。除咗展出古羅馬玻璃至現代玻璃藝術品，仲展出喺山之内町長大嘅畫家—兒玉果亭嘅作品，有各式各樣嘅美術品可以欣賞得到。

美術館定期舉辦照片展覽同主題企劃等展覽會，有興趣就事先喺官網check好資料啦！