火山噴發後形成北輕井澤絕景「鬼押出園」

位於北輕井澤地區嘅鬼押出園，係由「淺間山」火山噴發，熔岩所形成嘅大量奇岩怪石嘅奇景。今次，小編就要為大家介紹鬼押出園嘅特色同熔岩形成嘅成因。

火山岩漿噴發所形成嘅岩石奇景「鬼押出園」

上信越高原國立公園內嘅鬼押出園，係火山噴發嘅熔岩冷卻之後形成區域。1783年，淺間山火山爆發，滾燙嘅岩漿泥流侵襲山下嘅村莊，造成重大死亡及損傷。因此，附近設有佛堂同觀音像等，祭祀罹難嘅居民。

「鬼押出園」凹凸不平、具有獨特形狀嘅岩石，係同火山岩漿嘅粘性有關。熔岩粘性較強的話，喺火山口附近就會凝結。而黏性中等的話，就會同「鬼押出園」嘅熔岩一樣，冷卻後形成奇形怪狀嘅岩石，係淺間山火山噴發所誕生嘅藝術品。

「鬼押出園」內以赤松為首，有各種高山植物。其中「石割松」係樹齡約有100年嘅赤松。穿過岩石中央部分向外伸展。而岩石縫隙亦長有樹木。可以觀賞到含礦物質嘅植物之美，係鬼押出園嘅看點之一。

鬼押出園嘅高山植物於5月至7月逐漸綻放開花。日陰杜鵑、東國三葉杜鵑、白山石楠花等群花點綴著熔岩一帶，場景非常美麗。此外，岩石洞窟内陰暗地方仲可以睇到閃耀著綠光嘅光苔。鬼押出園可以話係一個可以觀賞到各種高山植物嘅地方。

1958年建立嘅「淺間山觀音堂」，主要祭祀除厄運嘅聖觀世音菩薩，目的係為火山爆發中喪生嘅人祈求冥福。附近有「水盤舎」用嚟喺祭拜之前潔淨身體，同埋吊著梵鐘嘅「鐘樓堂」、「炎觀音」等。

從「JR輕井澤站」及信濃鐵道嘅「中輕井澤站」乘搭巴士可抵達「鬼押出園」站。從輕井澤站出發約40分鐘，從中輕井澤站出發約30分鐘抵達。

景點資訊