以避暑勝地、高級度假村聞名嘅輕井澤，聚集眾多餐廳美食。深受好多名人愛戴嘅麵包店、幾遠都要去試吓嘅名店等應有盡有。今次小編就要為大家介紹輕井澤各區嘅嚴選必食美食餐廳。
舊輕井澤地區嘅餐廳推介
舊輕井澤地區從以前開始就係熱門嘅別墅區，仲有舊輕井澤銀座通同幾座著名嘅教堂都吸引好多遊客。而呢個地區亦有好多日本料理、法式料理、義式料理嘅知名老舖餐廳。
擁有125年歷史嘅老店！輕井澤「萬平飯店」裡嘅餐廳「Main Dining Room」
「萬平酒店」創業超過125年係一間歷史悠久嘅酒店。酒店內嘅「Main Dining Room」係一間復古懷舊風嘅高級餐廳，可以品嚐到正宗法式料理。滿溢著舊輕井澤嘅歷史氛圍，同時不斷持續創新變化，追求完美嘅服務，讓每一位顧客感受日本待客之道所帶來嘅幸福。
餐廳資訊
- 餐廳名稱：萬平酒店 Main Dining Room
- 地址：長野縣北佐久郡輕井澤町輕井澤925 萬平酒店1F
- 交通方式：輕井澤站徒歩約30分鐘或乘搭的士約5分鐘
- 對應語言：英語
- 可否使用信用卡：可以
兼具低調時尚感嘅蕎麥麵名店「輕井澤 川上庵」
蕎麥麵名店「輕井澤 川上庵」室內設計採用低調又時尚嘅木屋風格，大片透明窗戶令室內採光良好，樓高屋頂營造足夠嘅空間感。可以食到店家嚴選蕎麥粉、自家製嘅二八蕎麥麵 (蕎麥粉占80%)。最受歡迎嘅招牌菜就係炸蝦天婦羅蕎麥麵套餐「Tenseiro上（天せいろ 上）」，店家自製、堅韌又彈牙蕎麥麵，加上炸得酥脆又保留食材原味嘅天婦羅，係食過一次就令人念念不忘嘅美味！
景點資訊
- 景點名稱：輕井澤 川上庵
- 地址：長野縣北佐久郡輕井澤町輕井澤 6-10
- 交通方式：輕井澤站乘搭的士約3分鐘或徒歩約15分鐘
- 對應語言：英語
- 可否使用信用卡：可以
新輕井澤地區嘅餐廳推介
新輕井澤即包含輕井澤車站周邊及輕井澤王子購物廣場為中心嘅地區，有餐廳、酒店、滑雪場等。其中有好多充滿個性嘅餐廳同店鋪，連當地居民都好鐘意去嘅地區。
「Sushiatago」嚴選當季食材、由壽司師傅細心捏製每一件壽司
「Sushiatago（寿し あたご）」店面細而優雅，嚴選日本各地最新鮮美味嘅時令食材製作高質壽司。為保留食材原味，壽司師傅花咗唔少心思喺準備功夫。食客可以坐喺使用整塊天然木曾檜木製成嘅吧檯座位上一邊睇住專業壽司師傅捏壽司，一邊即場品嚐絕品美味。
餐廳資訊
- 餐廳名稱：Sushiatago（寿し あたご）
- 地址：長野縣北佐久郡輕井澤町輕井澤東167 Hotel Grandvert 舊輕井澤1樓
- 交通方式：輕井澤站徒歩約5分鐘
- 可否使用信用卡：可以
中輕井澤地區嘅餐廳推介
中輕井澤嘅範圍包含中輕井澤車站周邊及星野度假村在內嘅星野Area區。「星之野輕井澤」溫泉酒店、星野日歸溫泉、Harunire Terrace等大受遊客及當地居民喜愛。呢個區域亦聚集好多優雅時尚嘅咖啡店同餐廳。
位於輕井澤星野度假村內嘅法式餐廳「Bleston Court Yukawatan 」1日限定9組客人
「Bleston Court Yukawatan」係一間位於星野度假村「Bleston Court」內嘅法式料理餐廳。嚴選當地時令「野味」、羊肉、鴨肉、蔬菜作為食材，由廚藝精湛嘅大廚操刀製作，從味蕾到身心都得到大大嘅滿足。呢間餐廳一晚只接待9組客人，得24個座位，採取「完全預約制」，一定要預約先得，一位難求，有興趣建議盡早預約呀。
餐廳資訊
- 餐廳名稱：Bleston Court Yukawatan
- 地址：長野縣北佐久郡輕井澤町星野 Hotel Bleston Court内
- 交通方式：中輕井澤站乘搭的士約5分鐘或徒歩約17分鐘
- 可否使用信用卡：可以
Comments