位於千葉縣，距離成田機場搭電車約1個鐘就到嘅香取神宮，係日本全國約400社香取神社嘅總本社，更係明治時代以前就已經獲得「神宮」稱號嘅少數歷史悠久、有來歷嘅神宮。以祈求家庭安全、產業繁盛、締結良緣及安產之神，擁有廣泛信眾。
香取神宮之所以咁出名嘅理由同歷史
傳說創建於初代天皇時代（紀元前600年左右）嘅香取神宮係日本數一數二嘅知名神社，祭祀喺《日本書紀》嘅「讓國神話」當中嘅經津主大神。香取神宮同茨城縣鹿嶋市嘅鹿島神宮自古以來都有深厚密切嘅關係，並稱「香取・鹿島」。擁有好多寶物同文化財產，受到千葉縣政府指定嘅文化財產約200項。
其中，直徑29.6厘米、緣高2厘米、重量4,56千克嘅白銅質圓鏡「海獸葡萄鏡」更被稱為「日本三銘鏡」之一。以葡萄唐草為基本紋路，唐獅子嘅手把為中心，周圍鑲有獅子、馬、鹿、麒麟等獸類，以及孔雀、鴛鴦、鳳凰、雞等鳥類，及昆蟲等作為裝飾。
此外，喺香取神宮嘅表參道、舊參道同境內北側嘅櫻馬場為中心，種植染井吉野櫻同大島櫻等共15種約700株嘅櫻花，每當春季總會吸引好多賞花遊客，絡繹不絕。櫻花嘅最佳觀賞季節往年從3月底至4頭左右。境內相當寬廣，兩旁種植有楓樹同櫻花樹嘅玉砂利參道，以及森林圍繞嘅北參道，都好推薦喺度悠閒漫步呀。
香取神宮的推薦看點
第1個推薦看點係本殿。係喺元祿13年（1700年）由江戶幕府第5代將軍—德川綱吉命人興建而成，以「兩流造」方式嘅社殿嚟講屬最大規模等級。屋頂使用檜皮葺同黑漆為基調，加上鮮豔色彩裝飾。
第2個看點係樓門。同本殿一齊興建嘅門塗成朱紅色，而屋頂則為入母屋造銅板葺。樓門採取日本自古以來使用於寺院建築樣式—「純和樣」嘅傳統塗裝方法「丹塗」、上下樓均衡比例，係香取神宮代表性嘅象徵。樓門同本殿都被日本政府指定為國家重要文化財產。
此外，前往奥宮嘅途中，位於護國神社更深處嘅「要石」都係推薦景點，都唔可以錯過！就好隱藏喺石柱裡一般埋著嘅石頭，傳說係為咗抑制會引起地震嘅大鯰魚，據說插入到地底好深嘅地方。香取神宮係凸形、而鹿島神宮則是凹形。並傳說江戶時代嘅藩主、統治水戶嘅德川光圀（人稱水戸黄門）喺參拜香取神宮時，試圖挖掘要石嘅周圍想睇吓石頭嘅底部，但最終失敗。
去香取神宮的交通方式
如果從成田機場出發，搭京成本線嘅電車約10分鐘，喺「京成成田站」落車後，徒步10分鐘前往「JR成田站」，轉搭JR成田線，車程約40分鐘，至JR佐原站落車。
喺JR佐原站可以選擇搭的士或搭巴士去香取神宮。搭的士約10分鐘。搭巴士的話有2條巴士線都可以到達。巴士站1號乘車處搭「路線巴士千葉交通神里線」，車程約15分鐘，到「香取神宮縣道旁」站落車。另外，巴士站2號乘車處搭「社區公車大戶・瑞穗路線」，星期六、日及日本公眾假期為「周遊路線」車程約15分鐘，到「香取神宮第1停車場旁」落車。或者從JR佐原站的1號乘車處搭乘「路線巴士千葉交通神里線」，車程約15分鐘，在公車站「香取神宮縣道旁」下車後徒步即達。無論係邊班巴士，喺年尾年頭嘅日本新年假期都休息停駛。
景點資訊
- 名稱：香取神宮
- 地址：〒287-0017千葉縣香取市香取1697-1
- 交通方式：參考前述內容
- 門票：免費
- 時間：08:30～17:00
- 休息日：沒有
Comments