位於千葉縣成田市嘅「大和之湯」溫泉係個唔使入住就可以輕鬆浸溫泉嘅好地方。有5個室內溫泉浴池同8個露天溫泉浴池、噴流式氣泡浴池、以及餐廳等等，讓浸完溫泉嘅客人可以繼續悠閒地享受綠意盎然嘅環境。
大和之湯給你充實的溫泉體驗
喺成田市民嘅需求聲下興建只泡湯不住宿嘅溫泉設施「大和之湯」。田園風景中嘅摩登現代建築物都令人印象深刻，建築物係同知名建築家羽深隆雄氏攜手合作打造而成。主要嘅室內溫泉浴池有一大面窗，可以一邊欣賞千葉房總嘅悠閒田園風景，一邊舒適享受浸溫泉之樂趣，係一大特色。其他仲有4個室內溫泉浴池。而露天溫泉浴池則使用咗天然岩石，開放感十分。
另外，加上噴流式氣泡浴池同樽風呂浴池等大大小小共有8個露天溫泉浴池。更有蒸汽浴桑拿同冷水池，可以體驗各種唔同感覺嘅泡湯，亦可以好好放鬆休息一下。仲有唔可以唔提到呢度嘅SPA（身體治療30分鐘3,200円起～）同健身房（僅限健身房1,000円、健身房同室内游泳池2,000円）、以及附有戶外浴池嘅私人房間（1～2名使用時為1小時2,800円起～，3～4名使用時為1小時4,000円起～，需要事先預約）。
大和之湯的餐廳簡介
館內有「和洋食會席 Aji彩（あじ彩）」同「展望壽司餐廳紫苑」（11:00～21:00營業）兩間餐廳。喺「和洋食會席 Aji彩（あじ彩）」提供「是日午餐」（僅限平日、11:00～14:00），每日唔同菜式，980円，或炸蝦天婦羅2隻加3種蔬菜天婦羅嘅「天婦羅御膳」1200円。喺「展望壽司餐廳紫苑」則有包含8件手握壽司、1份手卷、季節沙律、餐湯同甜品「星之雫」1200円同「鐵火丼」1200円等餐點可供挑選。
關於大和之湯所湧出的「溫泉」
此處溫泉嘅泉質為「氯化鈉碳酸氫鹽」。入浴後嘅保濕效果高，被稱為「美人之湯」，特別推薦俾女性朋友們啊！。此外，氯化鈉碳酸氫鹽嘅鹼性，可以洗去皮膚嘅脂肪同分泌物，浸完溫泉之後嘅清涼感都係特徴之一。可以舒緩神經痛、肌肉痠痛、關節痛、皮膚創傷、燒燙傷等等好多功效。大和之湯嘅溫泉係加熱每分鐘泵送超過120升嘅源泉，喺適當嘅溫度下加熱源泉並直接從噴射口倒出。從浴缸溢出嘅源泉會直接棄掉，時常補充新嘅源泉。
去大和之湯嘅交通方式
從「JR下總松崎」站徒步約25分鐘。由於「JR下總松崎」站內無的士站，如果想搭的士去就要喺「JR安食」站搭，車程約10分鐘左右。
景點資訊
- 名稱：成田的日本溫泉 大和之湯
- 地址：〒286-0841 千葉縣成田市大竹1630
- 交通方式：請參照上述內容
- Wi-Fi：有免費Wi-Fi
- 語言：官方網站有英文及中文（簡體字）
- 門票：800円（星期六、日及日本公眾假期為1,000円）、毛巾200円、浴巾700円、租用館內穿著便服300円、有提供洗頭水及沐浴露
- 信用卡：可使用信用卡
- 時間：10:00～22:00 ※學齡前兒童恕無法入場
- 休息日：無休
Comments