距離JR和東武日光站車程約10分鐘左右嘅日光「田母澤御用邸」，係喺明治32年（西元1899年），當時皇太子嘅大正天皇作為静養地而興建嘅皇室御用邸宅。面積約4495.868平方米，面積寬敞，係明治時代嘅御用宅邸當中規模最大嘅一個。本篇文章就要同大家介紹日光田母澤御用邸嘅歷史同推薦看點。
日光田母澤御用邸被列為國家重要文化財產
北方眺望男體山等日光連山，周圍杉林圍繞，位於環境風光明媚嘅「日光田母澤御用邸」。明治32年（西元1899年）作為皇太子嘅大正天皇之静養地而興建，包含大正天皇，三代嘅日本天皇、皇太子都使用過。
建築物本身係嚟自明治時代喺日光嘅銀行家‧小林年保氏嘅別邸。當時作為舊紀州德川家嘅中屋敷嘅一部分（現在嘅三層樓建築部分），而將赤坂離宮（位於東京嘅迎接國賓嘅設施）移築，其他建築物則係新建嘅。之後經過多次增建同改建，演變成至今嘅型態。橫跨江戶後期、明治同大正嘅三個時代嘅建築式樣而集結嘅建築群，係現存嘅明治、大正時期御用邸當中最大規模嘅邸宅，亦被列為國家重要文化財產。此外，園內有休憩處「MIYABI（みやび）」（營業時間為 4～11月、10:00～15:00），提供日光名產和菓子「日之輪（日の輪）」配抹茶嘅套餐「玉座組合」（590円），或羊羹配抹茶嘅「田母澤組合」（560円），仲有「頂級雪糕」（360円）等甜品。
日光田母澤御用邸的推薦看點
天皇陛下嘅書齋「御學問所」、作為皇后陛下嘅事務室嘅「皇后御座所」等，有幾間唔同嘅房間。其中以大正時期新建嘅「謁見所」係最推薦必去！呢個係天皇陛下同正式訪客會面時使用嘅房間，壁龕同天花板都採用正宗日式風格嘅「書院造」宅邸形式建造，再喺榻榻米上鋪上英國製嘅絨毯，融合日式同西式風格。另外，同外國來訪時嘅政要交遊上會使用到嘅桌球室「御玉突所」亦一定要去參觀。放置咗一個現時好少見嘅無網袋桌球台。地板係使用欅木木板交錯舖成。採用「板目」同「柾目」嘅組合，時至今日都無錯位偏移過。
日光田母澤御用邸的四季花卉
園內有隨著四季更迭盛開嘅花卉。其中更以庭園裡嘅枝垂櫻最推薦。往年4月中至底為其花季。其他仲有「那須檜扇菖蒲」，係喺平成16年（西元2004年）由日本天皇贈送俾栃木縣嘅品種，5月底至6月中為最佳觀賞季節。秋季嘅楓紅之美亦好值得一看！
去日光田母澤御用邸嘅交通方式
從JR東武日光站乘搭「往湯元溫泉方向」、「往中禪寺溫泉方向」、「往奥細尾方向」或「往清瀧方向」嘅東武巴士，車程約10分鐘，喺｢日光田母澤御用邸紀念公園｣巴士站落車後徒步約1分鐘。
景點資訊
- 名稱：日光田母澤御用邸
- 地址：日光市本町8-27
- 交通方式：參考上述內容
- Wi-Fi：服務台附近及宅邸內商店可使用
- 語言：有中文（簡體字）、英文、法文、韓文的導覽手冊
- 門票：550円
- 時間：4至10月：09:00～17:00（服務台至16:00為止）、11至3月：09:00～16:30（服務台至16:00為止）
- 休息日：星期二（若為假日時則改為隔日休館）、日本新年假期（12月29日至1月1日）
Comments