日光係知名旅遊勝地之一，日光東照宮或伊呂波山道（いろは坂）、華嚴瀑布等人氣觀光景點眾多，特別係秋季楓紅吸引好多旅客去日光旅遊。講起日光嘅名產美食，首先要提到嘅就係「湯波（ゆば）」，即係腐皮。用大豆製成豆漿加熱時，表面產生薄薄一層嘅皮，用竹串挑起而製成腐皮。喺日本除咗日光之外，京都嘅腐皮料理都相當出名。而喺日光市內，有好多提供湯波料理嘅餐廳，今次就等我哋介紹幾間交通方便、具有歷史性嘅店俾你參考吓啦。
日光的「湯波」是什麼？
「湯波」係大豆嘅加工食品。喺山岳宗教興盛時期，從日本全國聚集嘅僧侶或入山修行者，會將湯波代替海鮮等食物，以攝取蛋白質，因而開始受歡迎。到咗明治時代，喺平民間都廣泛流傳開來。關西地區嘅京都、關東地區嘅日光，都以腐皮料理聞名。但兩地做法有所不同，唔同在於豆漿加熱後表面形成嘅薄膜喺用竹挑起時，京都係從邊緣挑起，但日光係從正中間挑起對折，並且有好似波浪咁嘅皺褶。將湯波捲起嚟炸嘅「炸卷湯波」、或將晾乾嘅湯波再浸溫水後食嘅「平湯波」等，有各式各樣嘅食法，喺日光大部份餐廳都有以日式套餐提供各式湯波料理。
位於日光的日本料理推薦餐廳① 湯波亭 升田屋
相傳「湯波亭 升田屋」係引起湯波潮流嘅湯波料理專門店。使用日本國產大豆為原料，興建於大正6年（1917年）嘅店鋪喺平成25年（2013年）秋季全面裝修翻新。使用日光杉和大谷石作為店內建築材料，恬靜嘅環境令人安心，推薦去坐吧台嘅位可以欣賞庭園。餐廳有提供腐皮拌山蕨、醋漬薄腐皮、「生湯波」等等共9款菜式嘅「會席料理套餐」（3,900円）。呢個套餐嘅主菜係「生湯波」，入口即溶嘅柔軟口感，相當值得一試！
景點資訊
- 名稱：湯波亭 升田屋（ゆば亭 ますだや）
- 地址：栃木縣日光市石屋町439-2
- 交通方式：距離JR東武「日光」站徒步約6分鐘
- 對應語言：官方網站有中文、英文及韓文
- 營業時間：11:00～15:00、售完即止
- 休息日：星期四
位於日光的日本料理推薦餐廳② 元祖 日光湯波料理 惠比壽家
有著100年以上歷史嘅日光湯波老店，純和風民家建築嘅店內有榻榻米鋪成嘅座位。推薦嘅有炸卷湯波淋上蔬菜勾芡、生湯波、炸卷湯波同加入芋頭、柚子等嘅「味噌田樂」（日式燒物）、生湯波什錦等共10道料理嘅「A套餐」（4,620円）；另外仲有炸卷湯波淋上蔬菜勾芡、豆腐料理等6道菜的「D套餐」（1,370円）。
景點資訊
- 名稱：元祖 日光湯波料理 惠比壽家（元祖 日光ゆば料理 恵比寿家）
- 地址：〒321-1403 栃木縣日光市下鉢石町955
- 交通方式：從JR・東武「日光」站徒步約15分鐘
- 營業時間：11:30～14:30 （ Last Order）
- 休息日：星期二（另有不定期休息日）
位於日光的日本料理推薦餐廳③ 日光湯波遊膳
鄰近日光東照宮以及神橋，地理位置交通便利嘅湯波料理專門店。隨著季節不同而更換不同餐單嘅「創作湯波盒餐 遊膳」3,300円相當受歡迎。生湯波、湯波涮涮鍋、湯波燒賣、湯波豆腐等料理組成嘅盒餐，附上豆乳布丁嘅豪華套餐。不含湯波涮涮鍋嘅「創作湯波盒餐 花膳」2,800円，亦可以單點「生湯波（1人份）」400円。
呢個係一間鄰近日光東照宮同「神橋」等著名景點，地理位置優越嘅湯波料理專門店。餐單會隨著季節更變嘅「創作湯波盒餐 遊膳」（3,300円）相當受歡迎。生湯波、湯波Shabu Shabu（涮涮鍋）、湯波燒賣、湯波豆腐等料理組成，最後仲有豆乳布甸嘅豪華套餐！如果唔要湯波Shabu Shabu，「創作湯波盒餐 花膳」就係2,800円，咁就可以單嗌「生湯波（1人份）」（400円）同朋友Share試吓都得啫。
景點資訊
- 名稱：日光湯波遊膳（日光ゆば遊膳）
- 地址：栃木縣日光市安川町1-22
- 言語：官方網站有英文餐牌
- 交通方式：東武「日光」站乘搭東武巴士往湯元溫泉約10分鐘，於「綜合會館前」落車，徒步約2分鐘
- 營業時間：11:30～15:00 ※售完即止
- 休息日：星期三（如遇紅日則順延一日作休息）、有冬季臨時休息日
Comments