宇都宮「大谷資料館」有咩好玩？

從宇都宮站搭車約30分鐘就到「大谷町」，以出產具高度耐火性及耐震性嘅建築石材「大谷石」而聞名。大谷町嘅大谷資料館，由昔日嘅地下採石場遺跡改建而成，館內展示大谷嘅地質、大谷石開採歷史同開採方式等相關資料。

關於大谷資料館

大谷資料館寬約2萬平方米，深約30平方米，係一個佔地廣闊嘅地下採掘場遺址。館內展出大谷町地區嘅地質、挖掘情況、仲有從大谷石搬運石頭嘅情景。地下氣溫平均只有攝氏8度，記得準備防寒衣物。不過夏天就非常涼爽，好似走入一個巨大嘅雪櫃入面咁，幾得意嘅體驗。

呢個係一個多年來挖掘大谷石所形成嘅地下空間，產出約1千萬塊岩石，範圍寬約一個棒球場，係一個巨大嘅建築物。因為喺地底下，有「未知空間」之稱。而家甚至有作為演唱會、美術展覽、舞台劇、歌舞劇、能劇等會場。展出重約70公斤嘅岩石，從石頭上仲可以睇到人工挖掘嘅痕跡添。

館內有使用展板詳細說明有關大谷石地質及其分佈，從人工挖掘至機械化嘅變遷，搬運方式嘅轉換等等背景。另外，亦有展出江戶時代中期至昭和35年（1960年）所使用嘅十字鎬以及搬運石頭時所使用嘅工具等實物，重現當時採掘嘅情況。

於JR宇都宮站西口乘搭「往45號大谷・立岩方向」嘅關東巴士，搭約30分鐘後於「資料館入口」落車，徒歩約5分鐘。