中禪寺位於日光中禪寺湖東岸嘅歌之濱（歌ヶ浜），亦被稱為「立木觀音」，係世界遺產「日光山輪王寺」嘅別院。從JR東武日光站搭乘巴士再行陣路，共約1小時即可到達。喺奈良時代（8世紀），由勝道上人所建立。今次要為大家介紹中禪寺嘅看點！
關於日光山中禪寺（立木觀音）
中禪寺湖嘅名稱源自於「日光山中禪寺」，位於中禪寺湖畔嘅「歌之濱」，可以欣賞絕美湖景，遊客總是絡繹不絕。中禪寺中供奉一尊有十一面觀音嘅菩薩。據說呢尊十一面觀音像，係由日光開山祖師「勝道上人」喺中禪寺湖上遊覽時，感應到千手觀音，於是親手從一棵日本蓮香樹木，將觀音嘅身姿雕刻成本尊「十一面千手觀世音菩薩」，別名稱為「立木觀音」，被列為國家重要文化財。
起初，「立木觀音」安置於中宮詞二荒山神社，直到明治時代，有一次因颱風造成山泥傾瀉而將其沖走，然而幾天後，竟然奇跡地無損無傷，漂流到中禪寺湖畔歌之濱，令廣大嘅善信更深信觀音菩薩救苦救難嘅神跡。另外，中禪寺作為坂東三十三觀音靈場，第十八禮所而聞名，吸引眾多人前往朝聖。
日光山中禪寺嘅看點
中禪寺（立木觀音）嘅看點之一係參考京都清水寺風格建成嘅「五大堂」，裡面供奉咗不動明王、降三世明王、軍荼利明王、大威德明王、金剛夜叉明王等五大明王。五大堂嘅天花板有一幅壯觀嘅「大雲龍」畫作，係日本藝術院會員、日本名畫家「堅山南風」所畫嘅。
另外，企喺高台上嘅五大堂，視野良好，可以眺望男體山、中禪寺湖嘅美景。尤其喺紅葉季節，吸引大量遊客前往造訪。往年10月中至下旬係紅葉嘅最佳觀賞時期。據說只要飲中禪寺嘅「延命水」就可以長命百歲。另外，中禪寺裡有一棵生咗巨瘤，叫做「身代瘤樹」嘅嘅。如果身體有病痛嘅人，據聞只要將病痛部位同樹瘤接觸，病痛就會轉移到樹上。
去日光山中禪寺嘅交通方法
於JR東武日光站乘搭「往中禪寺湖方向」嘅東武巴士約45分鐘，於中禪寺溫泉落車，徒歩約20分鐘。於5月中至10月頭會停靠「立木觀音」前嘅巴士站。
景點資訊
- 景點名稱：中禪寺（立木觀音）
- 地址：栃木縣日光市中宮祠2578
- 交通方式： 參照上方
- 對應語言：提供英文導覽小冊子
- 票價：500円
- 時間: 4至10月：08:00～17:00、11月：08:00～16:00、12至2月：08:30～15:30、3月：08:00～16:00（參觀截止時間為閉館30分鐘前）
- 休息日：全年無休
Comments