歷史悠久嘅日光二荒山神社，係日光山信仰嘅主祭神社。神社分為本社、中宮祠同奧宮 ，分別位於日光市內、中禪寺湖畔及男體山山頂。二荒山神社作為「日光的神社與寺院」之一，與日光東照宮及輪王寺一同被列為世界文化遺產。而且交通方便，大家去東京近郊旅行時都可以考慮一下呀。
關於日光二荒山神社
於關東平野北邊、海拔2,486米嘅靈峰二荒山（現時嘅男體山），自古以來都有人相信裡面住有神明，因而將佢作為御神體嚟拜祭。1,200年前，由勝道上人開山，係日光山岳信仰嘅中心。位於日光國立公園內嘅二荒山神社，神域（領域）佔地廣達3,400公頃，神社建築分為「正殿」、「中宮祠」、「奧宮」三個部分。以下就介紹一下位於日光東照宮西邊，吸引眾多觀光客前往朝聖嘅二荒山神社「本社」啦。
日光二荒山神社（本社）的看點
江戶時代，由德川幕府建造嘅二荒山神社本社，被列為國家重要文化財產。茅葺屋頂雖然經過多次更換及塗飾等修建，但華麗嘅色彩及同精巧嘅雕刻作業忠於建造當時嘅模樣，被稱為日光最古老嘅建築物。
位於正殿前嘅「拜殿」，建築樣式簡潔，無任何雕刻等裝飾，同正殿一樣忠於創建當時嘅模樣，一同被列為國家重要文化財產。作為日光玄關口嘅「神橋」都係一大睇頭。沿著國道120號公路，橫跨於大谷川上方嘅「神橋」係一座長28米、寬7米嘅朱紅色木造拱橋，橋墩築成鳥居形狀。正殿、拜殿、神橋都被列入世界遺產。
日光二荒山神社（本社）：祈求良緣的聖地
二荒山神社供奉嘅主要神明係結緣之神「大己貴命」，係日光地區主要嘅能量景點之一。本社境內有好多可以參拜祈願嘅地方。
第一個地點係神社左後方嘅「二荒靈泉」，係從本殿後方，恒例山所湧出嘅「藥師靈泉」，加上滝尾神社嘅「酒之泉」匯合形成。據聞可以治療眼疾。現場仲有賣專用嚟裝靈泉嘅樽（300円）添。第二個地點係結緣神木，呢個其實係由一棵杉樹同楢樹合體而成，不可思議嘅巨木。相傳可以可以祈求得到良緣。現場有賣用嚟祈願嘅「繪馬」木板，寫上願望再放喺神木旁供奉起嚟！
去日光二荒山神社嘅交通方式
從JR東武日光站乘搭「往中禪寺溫泉或湯元溫泉方向」嘅巴士約7分鐘，於「西參道」落車，徒歩約7分鐘。
景點資訊
- 景點名稱：二荒山神社
- 地址：栃木縣日光市山内2307（本社）
- 交通方式： 請參考上方資訊
- 票價：參觀神苑的費用為一般200円，中學初中生及小學生100円
- 營業時間: 4至11月：08:30～17:00、11至3月：09:00～16:00（閉門30分前截止入場）
- 休息日：全年無休
Comments