日光山輪王寺指嘅唔係一個寺廟，而係日光山內嘅佛堂、中禪寺、大猷院、塔等15個分支院社嘅總稱。創建於奈良時代，自古以來作為「關東第一大信仰聖地」而繁榮起來。以二荒山神社、東照宮、輪王寺並稱為「二社一寺」為中心嘅建築群「日光社寺」，已被列為世界遺產。本文將為大家介紹日光山輪王寺嘅歷史同特色！
關於日光山輪王寺
日光山輪王寺、比叡山、東叡山並列為「天台宗三本山」，於奈良時代天平神護2年（766年）由勝道上人創立。喺平安時代，高僧空海曾經到訪；鎌倉時代，將軍源賴朝曾駐營於此。日光山輪王寺作為關東第一大靈場而聞名。輪王寺內值得參觀嘅有正殿「三佛堂」、庭園「逍遙園」、展出日光山寶物嘅「寶物殿」及「護摩堂」、江戶幕府第三代將軍德川家光嘅靈廟「大猷院」、比叡山延曆寺「にない堂」為模型建造嘅的「常行堂」、「法華堂」等等待等。
日光山輪王寺看點其1：正殿（三佛堂）
第一個看點係被列為國家重要文化財產嘅「三佛堂」據說係東日本地區最大嘅木造建築物。由江戶幕府第三代將軍德川家光重建。裡面供奉三尊高達7.5米嘅巨型佛像（日光三山嘅本地佛：馬頭觀音、阿彌陀如來、千手觀音）。
另外，三佛堂前嘅「金剛櫻」樹齡估計約500年，高達10米，樹幹寬5.7米，呢棵巨大嘅櫻花樹被列為國家天然紀念物。開花時期往年約於4月尾至5月頭。金剛櫻屬於花瓣比較大嘅山櫻花，粉紅色嘅花苞會開成大朵嘅白色櫻花。
另外，毎年4月2日舉行一種罕有嘅古老儀式「強飯式」而聞名。僧人將黑色碗盛滿白飯，揀選出參拜者強迫食三升飯，傳聞只要食完就可以消除災難，帶來好運。
日光山輪王寺看點其2 ：逍遙園
於江戶時代建造嘅逍遙園，係一座模仿琵琶湖嘅日本庭園。借景於男體山及女峰山等。春天可賞櫻花、杜鵑花，秋天可賞紅葉，四季都有唔同嘅植物景觀。另外，秋天會舉行夜間紅葉點燈，吸引好多遊客前往觀賞。
日光山輪王寺看點其3：大猷院
我哋有另一篇文章詳細講解大猷院㗎！即刻去睇！日光山輪王寺大猷院 教你三個觀賞重點
去日光山輪王寺嘅交通方式
想去三佛堂、逍遙園、護摩堂、寶物殿就要喺JR東武日光站搭東武巴士「世界遺產巡遊巴士」，去到「勝道上人像前」落車。如果要去大猷院、常行堂都係搭同一班巴士，但喺「大猷院 二荒山神社前」落車。
景點資訊
- 景點名稱：日光山輪王寺（三佛堂）
- 地址：栃木縣日光市山内2300
- 交通方式： 參考上方
- 票價：400円（三佛堂）550円（大猷院）、「三佛堂與大猷院」共通參拜券900円
- 營業時間: 4至10月： 08:00～17:00；11至3月： 08:00～16：00（各時期一律30分鐘前截止入場）
- 休息日：全年無休
Comments