生機勃勃、百花齊放的日光植物園

日光植物園位於栃木縣日光市，係一個佔地廣大嘅植物園。園內栽培咗各式各樣嘅植物。從春季到秋季，都有唔同種類嘅花草樹木可以觀賞得到。

佔地廣大的日光植物園

日光植物園是東京大學附屬嘅植物園，於1900年代初開園。公園面積寬廣，佔地超過10萬平方米，栽培咗大約2千種植物。園内有森林、草地、池塘、溪流、濕地等各種唔同嘅生態，猶如一個完整嘅大自然縮影。另外，除咗植物，仲可以睇到綠雉、小杜鵑等各種野鳥。

喺日光植物園隨處都可以睇到各式各樣嘅植物，尤其以温帶至亞寒帶植物特別多，例如係櫻花、杜鵑花、楓樹等。今次小編就要為大家介紹推薦日光植物園嘅好行好玩之處及最佳觀賞季節。

日光植物園可以觀賞到需要特殊生長環境嘅「高山植物」及「濕原植物」。高山植物栽培於「岩石花園」，而濕地植物則栽培於「濕地花園」，試圖創造適合該植物生長嘅環境，以帶給各位遊客多種植物觀賞。

一到春天，唔同品種嘅櫻花陸續綻放。美麗嘅白色「綠櫻」及「霞櫻」、葉芽同花同時開嘅「日本山櫻」及「大山櫻」、花開時如粉紅瀑布一樣懸掛直下嘅「系櫻」、簇開無數白色花朵、形狀好似個刷咁嘅「上溝櫻」等等等待，形形色色嘅櫻花美景令人目不暇給！

園内種植多棵楓樹，一到秋天，紅黃交織嘅秋葉將植物園點綴得色彩繽紛。尤其係池塘水面如夢似幻嘅紅葉倒影，以及滿地金黃嘅落葉，形成令人窒息嘅美景！

日光植物園嘅開放期間為4月中至11月尾，冬季會閉園休息。營業時間為09:00至16:30，每逢星期一休園。而入園費用為中學高中生以上嘅大人係400円、中學初中生及小學生係130円。（截止2019年5月資訊）

距離日光植物園最近嘅電車站係「JR日光站」或「東武日光站」，喺呢個站附近搭東武巴士，搭10分鐘到「日光植物園巴士站」約10分鐘落車。從巴士站行約2分鐘就到日光植物園入口。