千葉縣5大最有代表性產品

當你嚟到千葉縣旅遊，不妨帶一啲千葉本地特產返去做手信啦，特別係以千葉縣特產製作嘅食物或日用品、雜貨小物。千葉縣位於海山圍繞嘅區域，大自然資源豐饒，海鮮同農產品種類都好豐富。呢次就喺眾多特產品當中，精選特別推薦嘅5大特產為你做介紹。

醬油（日本豉油）

千葉縣係日本數一數二嘅醬油（日本豉油）生產地。特別以野田、銚子地區最出名，有多間醬油釀造工廠。因為醬油接觸空氣會氧化，保持唔到原本風味，所以要買日本產豉油返屋企用，就記住要買密封樽裝或玻璃瓶裝啦。

除咗原枝裝醬油，使用醬油製作嘅食物都唔可以錯過。例如，皮同餡都用咗醬油製作嘅「醬油饅頭」、搓麵糰就加入咗醬油嘅「野田蜂蜜蛋糕風紫」、淋醬油喺熱辣辣嘅Pancake上嘅「醬油Pancake」等等，有好多唔同種類嘅醬油食物啊！

順帶一提，使咗醬油整嘅日式饅頭同蜂蜜蛋糕，都可以喺醬油釀造工廠附設嘅商店或「下總野田・醬油之鄉」等地買得到。另外，醬油Pancake則推薦可以喺銚子市內嘅和菓子店「街巷裡的柏屋（路地裏の柏屋）」同「Ishigami（イシガミ）」等商店買得到。

伊勢海老（龍蝦）是千葉嘅特產品之一。使用了特產龍蝦嘅「伊勢海老仙貝」是不分男女老幼皆喜愛嘅米餅。龍蝦肉和殻都混合一起烘烤，咬一口就能嚐到伊勢海老嘅風味在口中蔓延開來。

龍蝦仙貝在許多商店都有銷售，其中以「Patona（パトナ）」和「龜谷本店」所做嘅龍蝦仙貝最為知名。

「花生最中餅（ぴーなっつ最中）」係用咗千葉縣嘅特產「落花生」做成嘅甜品。將去殼嘅花生煮成甜餡，再裝入花生形狀嘅餅裡面。充滿花生香甜味，同柔軟嘅內餡形成妙絕平衡，令人食完一啖又一啖，愛不釋手。

喺有賣「花生最中餅」嘅店舖當中，以「Nagomi no Yoneya（なごみの米屋）」嘅商品最出名。另外，「Orandaya（オランダ家）」同「勝柴製菓」等多間店都有賣以落花生為材料嘅「最中」，不妨去試幾間睇吓有咩唔同～

枇杷係葉縣房總半島嘅特產品之一，果實飽滿且多汁為其特徵。喺千葉縣內，有好多使用枇杷為原料製成嘅果凍、蛋糕、日式饅頭等各式各樣嘅甜點。其中更以「枇杷果凍（びわぜりー）」內有成粒枇杷，加上枇杷果醬製成，可以食到枇杷原本嘅美味。

枇杷甜點喺好多店舖都有賣，其中以「龜谷本店」、「Nagomi no Yoneya（なごみの米屋）」同「高山製菓」等都有賣多種枇杷甜點，相當推薦。

「房州扇」係1800年代後半開始生產嘅千葉縣傳統工藝品。以竹為材料，帶著圓弧嘅手柄形狀為特徵。扇面嘅設計有花紋、人物圖樣等眾多款式。

如果想買房州扇，可以喺JR內房線「館山站」嘅旅遊資訊中心或商店、南房總市嘅公路休息站「富浦枇杷俱樂部」同「三芳村鄙之里」等地買得到。

以上介紹嘅千葉特產手信等，如果想一次過買的話，推薦可以喺千葉車站附近嘅購物商場或紀念品店買。例如，JR千葉站隔離嘅購物商場「Perie千葉」裡面有賣千葉嘅海鮮、名產、日用雜貨等不同種類嘅特產紀念品商店「房之站（房の駅）」。

此外，距離JR千葉站行5分鐘嘅地方有間「千葉君物產館（チーバくん物産館）」，呢度匯集千葉縣具有代表性嘅知名特產。呢度仲有個「千葉君（チーバくん）」，係千葉縣嘅官方吉祥物嚟㗎。呢間物產館距離千葉嘅觀光景點同交通轉車站嘅JR千葉站不遠，交通方便，去千葉旅行時就不容錯過啦！