千葉縣房總半島突出於太平洋的半島

位於千葉縣嘅房總半島，被大自然環境包圍。結合自然景觀、戶外活動，有好多種類多元豐富嘅觀光景點。因沿海地區，面向太平洋，所以海產都可以令人期待呀。

關於房總半島

房總半島係突出於太平洋嘅半島，千葉縣嘅大部分土地都位於房總半島。東西長約106公里、南北長約130公里，南北狹長，海岸線長達約364公里。

從JR新宿站或JR東京站搭電車或巴士到房總半島約時約2個半至3個鐘，相對較近，如果入住東京酒店，仲可以嚟個即日來回嘅小旅行添。

房總半島北部區域為平原同中央附近有和緩嘅丘陵地帶。另一方面，南部地區係連接丘陵地帶嘅山岳，有著森林資源豐富嘅大自然環境。而且兩個區域嘅海岸沿岸都有美麗海灘同地形複雜嘅沉降海岸。

去房總半島就一定要好好欣賞海景同山岳嘅自然景觀。沿岸有好多海灘，更以位於北部嘅「九十九里濱」美景最為人知。全長約66公里嘅海岸，遠淺沙灘加上廣大遼闊嘅太平洋，晴朗日子中海天相連交織而成嘅風景，都充滿讓旅人難以忘懷嘅魅力。

此外，位於南部丘陵地帶嘅「養老溪谷」都相當推薦一遊。呢度係賞楓嘅名勝，秋季被楓葉渲染成一片紅色黃色嘅美麗溪谷，好適合嚟呢度散步，親近大自然美景。

嚟到房總半島，以行山或踩單車等戶外活動嚟親親大自然都唔錯呀。行山就推薦去位於南部、標高約330米嘅「鋸山」。因為山岳形狀似鋸嘅刀刃為特徴而得以名，有多條登山路線。位於山頂嘅展望台係設置喺突出於斷崖絕壁嘅岩石上，可以企喺展望台欣賞到絶佳風景，但同時又好有刺激感，真係個驚險感滿分嘅景點！

其他仲推介喺千葉縣嘅丘陵地帶或海岸線踩單車，可以欣賞美景嘅單車之旅都唔錯呢。順帶一提，千葉縣各市嘅旅客觀光資訊中心等都可以租借到單車。

房總半島有好多知名美食料理，特別係使用房總半島海域捕獲嘅新鮮海產製作嘅料理最推薦，嚟到呢度旅行就一定要去食啦。例如伊勢海老（龍蝦）嘅魚生片、金目鯛、沙甸魚等青魚嘅魚生和加上調味料混合而成嘅漁師料理「なめろう（味噌口味剁碎魚生片）」等等。

呢啲海鮮料理主要喺沿海地區或各市主要車站周邊嘅和食餐廳都有提供。

住宿設施多位於海岸沿岸，商務酒店、日式旅館、民宿等座落於各地。此外，雖然數量較少，但都有一啲旅館散佈喺南部區域。

要去房總半島，首先可以去JR千葉站先，之後再轉車搭去各個景點。從成田國際機場搭JR成田線快速列車約44分鐘就到JR千葉站。