鬼怒川溫泉位於栃木縣日光市鬼怒川上遊地區，係有眾多旅館同酒店林立嘅溫泉鄉。今次要同大家介紹鬼怒川溫泉區旅館嘅特色同3間推薦嘅溫泉旅館。
位於鬼怒川溫泉嘅旅館、酒店
鬼怒川溪谷沿岸有好多酒店同旅館，可以望到鬼怒川溪流及周圍樹林嘅絕美景色為其魅力。旅館數量多，當中大部分都有提供和室或和洋室等客房，去日本溫泉旅館當然要入住有Tatami（榻榻米）嘅日式房間，盡情享受日本風情啦。
創業130年嘅老店ASAYA HOTEL
ASAYA HOTEL創業130年，係鬼怒川溫泉街最具歷史嘅百年老店。空中庭園設有自家源泉嘅露天溫泉，亦有內附露天溫泉嘅客房，仲可以享用超過100種以上美食嘅自助式餐廳。另外，館內設有美容服務、遊戲中心、卡拉OK房、兒童遊戲室、禮品店等等。而且，鄰近各個鬼怒川知名觀光景點，例如行5分鐘路就到鬼怒川溫泉纜車，或搭約10分鐘車就到東武世界廣場，作為觀光旅遊嘅落腳點都適合不過！
景點資訊
- 景點名稱：ASAYA HOTEL（あさやホテル）
- 地址：栃木縣日光市鬼怒川溫泉滝813
- 交通方式：於東武鐵道「鬼怒川溫泉站」乘搭巡迴巴士約8分鐘
- 是否提供Wi-Fi：有
- 對應語言：中文、英文
- 可否使用信用卡：JCB, MasterCard, VISA, Diners Club International
鬼怒川沿岸嘅鬼怒川廣場酒店
鬼怒川廣場酒店係一間位於鬼怒川沿岸嘅傳統日式溫泉旅館老店。從大廳或客房都可以望到四季更迭嘅鬼怒川溪谷美景。另外，喺約3,000坪庭園裡建有10個獨立式露天溫泉個室,住宿費之外需另外收費。可以喺鬼怒川大自然中浸溫泉，享受特別體驗，有機會真係要一試！
另外，館內有4間餐廳提供栃木縣當地精選美味料理，亦設有商店、貴賓休閒室、泳池、兒童遊樂場等多種設施。除咗單純地住一晚，仲可以喺館內體驗各種樂趣！
景點資訊
- 景點名稱：鬼怒川廣場酒店（Kinugawa Plaza Hotel）
- 地址：栃木縣日光市鬼怒川溫泉滝530
- 交通方式：於東武鐵道鬼怒川溫泉站乘搭巡迴巴士約15分鐘
- 是否提供Wi-Fi：僅限大堂提供免費Wi-Fi
- 對應語言：僅限日文
- 可否使用信用卡：JCB, MasterCard, VISA, Diners Club International
鬼怒川嘅渡假型酒店：鬼怒川三日月酒店
鬼怒川三日月酒店係一間可以飽覽鬼怒川溪谷美景嘅溫泉酒店。館内有個長100米嘅溫泉大迴廊，包含共25種浴池，可以盡情享受浸天然溫泉樂趣。另外，亦有可以著泳裝遊玩嘅室內SPA同室外泳池，大人細路都可以玩得盡興！住宿旅客可以免費使用泳池、桑拿、滑梯式泳池等設施。
除咗溫泉同SPA，亦唔可以錯過當地美食！使用嚴選嘅栃木產食材，約60種日式、西式、中式料理嘅自助餐，或可選日式套餐。其中自助餐設開放式廚房，可以近距離欣賞大廚熟練精湛嘅料理手法，都好受歡迎㗎。
景點資訊
- 景點名稱：鬼怒川三日月酒店
- 地址：栃木縣日光市鬼怒川溫泉大原1400
- 交通方式：東武鐵道「鬼怒川溫泉站」徒歩約3分鐘
- 是否提供Wi-Fi：有
- 對應語言：英文
- 可否使用信用卡：JCB, MasterCard, VISA, Diners Club International
Comments