長野縣信濃美術館內主要收藏長野縣本土藝術家嘅作品，及信州嘅風景畫，匯集咗好多同長野縣有淵源嘅藝術家。另外，美術館仲設有「東山魁夷館」，可以欣賞具代表性畫家之一「東山魁夷」嘅各種珍貴作品。
長野縣信濃美術館
1966年建立嘅長野縣信濃美術館，係長野縣唯一嘅縣立美術館，設位於市民休閒場所嘅「城山公園」内。長野縣信濃美術館，主要收藏長野縣本土作家嘅作品，以及信州嘅風景畫。
「東山魁夷館」展出昭和時代具有代表性嘅日本畫家之一，東山魁夷嘅作品。長野縣信濃美術館本館於2017年11月起休館中，拆除1966年開館時嘅舊建築物，進行全面整修。另外，東山魁夷館亦於2017年5月起進行裝修工程，預計於2019年10月5日重新開放。
東山魁夷館的美術性
東山魁夷館於1990年作為長野縣信濃美術館本館附設畫廊而增設。此館嘅設立，源自於熱愛長野一帶自然風光的日本知名畫家東山魁夷，將畫作捐贈給長野縣政府。東山魁夷館現時館藏多達960件東山魁夷嘅作品。
東山魁夷館由建築師谷口吉生設計，建於既有嘅長野市城山公園內，以建築物融合於周遭環境，互相協調為設計概念。以低墻圍繞外側，中央設置庭園及人工淺水池塘，製作出一個擁有開放式空間嘅公園。館内部因裝修工程，目前休館中，預計於2019年10月5日重新開放。
長野縣信濃美術館 新時代嘅縣立美術館
新建後嘅本館，佔地1萬平方米，設有展示收藏品嘅畫廊，藝術圖書館，縣民畫廊，咖啡店及餐廳等設施。收藏品及書籍等資料預計將來會於官方網頁上公開。另外，東山魁夷館內將增設電梯，並進行館內移動路線嘅改善工程，令參觀環境更加舒適。唔好錯過重新開放嘅長野縣信濃美術館啦？
出發去長野縣信濃美術館嘅交通方式
從東京站乘搭新幹線，於長野站落車。於JR長野站善光寺口巴士站，乘搭ARUPIKO交通巴士(約15分鐘)，於「善光寺北站」落車，徒歩約3分鐘。
景點資訊
- 景點名稱：長野縣信濃美術館
- 地址：長野縣長野市箱清水1-4-4
- 交通方式：於JR長野站乘搭巴士（約15分鐘），於「善光寺北」落車，徒歩約3分鐘
Comments