宇都宮觀光之旅 推薦酒店3選

去宇都宮觀光旅行嘅話，建議住喺宇都宮車站附近嘅酒店。今次就同大家介紹位於宇都宮嘅推介酒店。

宇都宮車站附近嘅酒店

宇都宮站附近有眾多經濟型酒店。價錢不一，最平大約3,000円起都有。另外，設有餐廳、商店、貴賓室等設施嘅酒店都有，可以從車站乘搭巴士或電車去到。

宇都宮知鄉酒店（Chisun Hotel Utsunomiya）：近宇都宮車站嘅酒店

宇都宮知鄉酒店位於JR宇都宮站前，有裝潢簡潔嘅客房同日式餐廳。客房以白色為主，帶俾你明亮又簡潔嘅空間。另外，位於酒店1樓有間叫「Daidai（だいだい）」嘅日式餐廳，可以食到使用當地食材製作而成嘅自助式早餐，而晚餐則以魚類料理為主，有普通菜式至正宗嘅日式料理都有。另外，大堂提供梳、綿花棒等日用品或滲漏咖啡等飲品，可以免費自取使用。另外仲提供充電器、紅酒開瓶器、指甲鉗等物品可供住客借用。

酒店資訊

• 酒店名稱：宇都宮知鄉酒店（Chisun Hotel Utsunomiya）
• 地址：栃木縣宇都宮市站前通3-2-3
• 交通方式：JR宇都宮站西口徒歩約1分鐘
• 是否提供Wi-Fi ：有
• 對應語言：英文，泰文（根據時間提供服務）
• 可否使用信用卡：JCB, MasterCard, VISA, Diners Club International, AMEX

東日本宇都宮酒店（Hotel Higashinihon Utsunomiya）：格調高雅充滿英國情調

「東日本宇都宮酒店」以充滿英國情調氣氛嘅空間為特色。酒店內有古董家具同螺旋樓梯；客房裝潢色調一致且沉穩。另外，1樓同10樓設有6間餐廳同酒吧。從日式、西式至中式料理都有，任君選擇。

另外，自助式早餐使用當地新鮮食材製成美味佳餚、新鮮出爐嘅麵包等食物又健康又豐富。

酒店資訊

• 酒店名稱：東日本宇都宮酒店（Hotel Higashinihon Utsunomiya）
• 地址：栃木縣宇都宮市上大曾町492-1
• 交通方式：JR宇都宮站西口巴士總站5號乘車處乘搭「往ニュー富士見・中里原・玉生・宇都宮美術館・宇都宮グリーンタウン・帝京大等方向」嘅巴士，於「大曾十文字」落車，徒歩5分鐘
• 是否提供Wi-Fi ：有
• 對應語言：英文
• 可否使用信用卡：JCB, MasterCard, VISA, Diners Club International

宇都宮大和ROYNET酒店（Daiwa Roynet Hotel UTSUNOMIYA）：使用當地新鮮食材製作嘅早餐大受歡迎

「宇都宮大和ROYNET酒店」嘅客房設計時尚，早餐用餐空間嘅開放感十足。所有客房都配有寬120厘米以上嘅大床，室內設計雖然簡潔，但提供俾住客使用嘅日用品完善，絕對可以讓你舒舒服服咁住返一頭半晚。

另外，酒店1樓嘅「Nippon bar Hachitora（ニッポンバール）」提供自助式早餐，評價非常好。可以同時食到西式同日式料理、另外仲有水餃、檸檬牛奶等宇都宮同栃木縣嘅名產美食，如果旅行時無咁多時間食唒啲當地美食，都可以喺早餐時食返夠本！

酒店資訊

• 酒店名稱：宇都宮宇都宮大和ROYNET酒店
• 地址：栃木縣宇都宮市東宿鄉1-4-14
• 交通方式：JR宇都宮站東口徒歩約3分鐘
• 是否提供Wi-Fi ：有
• 對應語言：英文 ※酒店櫃檯設置提供41種語言對應嘅翻譯機
• 可否使用信用卡：JCB, MasterCard, VISA, Diners Club International, AMEX