從日光搭約50分鐘電車就可以到鬼怒川溫泉。鬼怒川溪谷沿岸嘅溫泉街有各式溫泉旅館同酒店林立。喺江戶時代，鬼怒川溫泉僅限前往日光參拜嘅僧侶同大名（領主）先可以使用。比起日光地區，鬼怒川溫泉地區嘅餐廳較少，所以今次就等我哋介紹啲連當地人都鐘意去嘅必食名店俾你啦！
鬼怒川溫泉推薦餐廳① 手打 二八蕎麥麵
從東武鬼怒川線鬼怒川溫泉站行約10分鐘，行到國道121嘅藤原運動公園附近就搵到呢間店。「二八蕎麥麵」意思係以兩成麵粉同八成蕎麥粉嘅比例，製作成白色嘅蕎麥麵條。使用蕎麥中最高級嘅「御膳粉」製作，口感順滑，品質優良。餐單有天婦羅蕎麥麵配湯波（豆皮）嘅楓葉套餐（1500円）、冷蕎麥麵「ざるそば」（600円）等等。另外，必食嘅招牌菜就係「花Gazumi（花がすみ）」（250円），以蕎麥湯底製作嘅水菓子，香味甘甜，沾上粉紅色櫻花風味醬汁一齊食。
餐廳資訊
- 餐廳名稱 : 手打 二八蕎麥
- 地址 : 栃木縣日光市鬼怒川溫泉大原521−2
- 交通方式 : 東武鬼怒川溫泉站徒歩約10分鐘
- 營業時間 : 11:00～17:00
- 休息日 : 逢星二
鬼怒川溫泉推薦餐廳②足浴咖啡店espo
從東武鬼怒川溫泉站行約15分鐘，就到可以浸足浴嘅咖啡店，裡面附設天台嘅半露天式足浴添。鬼怒川陽光酒店嘅住宿旅客可以免費使用。唔係住客都只需要嗌啲嘢食都可以浸足浴。另外，足浴咖啡店為客人免費借出毛巾，非常貼心。店内以木材為主要室內設計，氣氛溫馨舒適。可以一邊浸足浴，一邊觀賞全長140米、行人專用嘅「鬼怒楯岩大吊橋」。咖啡店嘅餐單有味道濃郁嘅燉牛肉1,500円、使用栃木縣產嘅「栃木少女」士多啤梨製成嘅雪糕650円等等美食。
餐廳資訊
- 餐廳名稱 : 足浴咖啡店espo
- 地址 : 栃木縣日光市鬼怒川溫泉大原1437-1 鬼怒川陽光酒店內
- 交通方式 : 東武鬼怒川溫泉站徒歩約15分鐘
- 營業時間 : 10:00～19:00 (18:30 LAST ORDER)
- 休息日 : 全年無休
鬼怒川溫泉推薦餐廳③ 提供石窯Pizza等料理嘅意大利餐廳Trattoria camino
從東武鬼怒川線鬼怒川溫泉站行約10分鐘，就可以去到一間位於閒靜住宅區內嘅正宗義式餐廳。餐廳係小木屋風格，店内天花板較高，空間充滿開放感。使用從義大利進口嘅石窯嚟烤焗Pizza，餅皮酥脆有咬口。撒上芝士、九層塔香草同番茄嘅Margherita、有煙肉同白醬嘅Bianca Pizza各1,050円，另外仲有洋梨Pizza、香蕉Pizza等甜點Pizza。除咗Pizza，仲有其他豐富菜式，例如，1,350円嘅蒜香那須豬肋排、700円嘅香草番茄沙律等。而且會有因應當造食材所製成嘅期間限定美食，呢啲限定食埋就要去到先知啦！
餐廳資訊
- 名稱 : Trattoria Camino
- 地址 : 栃縣県日光市鬼怒川溫泉大原1430-2
- 交通方式 : 東武鬼怒川溫泉站徒歩約10分鐘
- 營業時間 : 午餐 11:30～15:00（14:30 LAST ORDER）、晚餐17:30～22:00（21:00 LAST ORDER）
- 休息日 : 星期三
Comments