龍頭瀑布：奥日光三大瀑布之一

日光嘅龍頭瀑布位於大自然豐富嘅日光國立公園內。從男體山火山爆發後形成嘅熔岩上方，傾瀉下來嘅龍頭瀑布綿延210米，平緩地往下游流，與垂直落下嘅華嚴瀑布形成強烈對比。龍頭瀑布嘅水流既平穩又不乏氣勢，係日光嘅人氣景點之一。

日光龍頭瀑布呢個名嘅由來

於「龍頭瀑布」附近嘅岩石將流水分成兩邊，豪爽地落下。正面咁睇好似龍嘅頭顱，因此被稱為龍頭瀑布。有人話被分成兩邊嘅流水猶如龍嘅髭。亦有講法為中央嘅大岩石猶如龍嘅頭顱。咁到底邊一種講法先至啱呢？一定要嚟親自感受一下！

「龍頭瀑布」下方中央有一塊巨大岩石，水流由此分成左右兩邊奔流而下，貌似龍頭，因而得名。仲有另一種說法係因為被分成兩邊嘅流水好似龍嘅兩道鬍鬚。另外，亦有人認為瀑布中央嘅大岩石就好似龍頭。實際上，龍嘅頭到底喺邊呢？呢個答案就要由你自己親身去現時發掘喇！

龍頭瀑布四季都有不同景色。5至6月係紫紅色嘅東國三葉杜鵑花盛放嘅時節；9月下旬開始為紅葉季，可以欣賞繽紛嘅楓紅、轉黃嘅華東椴，猶如一座天然嘅日本庭園；冬天則可以欣賞到凍結嘅冰瀑，非常壯觀！

從春天到秋天，日光嘅氣候舒適宜人。但冬天會有好厚嘅積雪，而且行人路同樓梯都會凍結，行路時小心唔好滑倒。出發之前需要做好準備，禦寒衣物唔少得，仲要記得著防滑鞋添啦。

「龍頭之茶屋」位於龍頭瀑布下流，裡面有觀覽龍頭瀑布嘅觀瀑台。正面可以欣賞瀑布奔流而下嘅景觀，猶如一頭咬著大岩石嘅龍，氣勢磅礴，係最佳觀賞位置。

呢間店嘅招牌菜係「施無畏丸子（施無畏だんご）」。「施無畏」意思係施於大家平安，願大家心靈得到安定。供應兩款甜品，鹹鹹甜甜嘅「Mitarashi（みたらし）」，同甜甜的「Ogura（おぐら）」紅豆甜品。一邊眺望瀑布一邊享用甜品，簡直係一大享受！

從東京出發嘅話，乘搭東北新幹線或JR日光線到JR日光站，轉搭東武巴士約60分鐘到「龍頭瀑布（竜頭の滝）」站落車行約15分鐘就到瀑布下流；或者喺「滝上」落車，徒步約4分鐘則到瀑布上流。睇你心水從瀑布上方定下方開始欣賞瀑布都無問題。