日光市嘅「霧降瀑布」係「日光三大名瀑」之一，位於森林之中，全長75米，寬15米，瀑布被分為兩段，上段25米，下段26米。從山壁間飛奔而下嘅溪水，同岩塊撞擊而激起水花同霧氣，因而得名「霧降瀑布」。呢個瀑布亦係浮世繪大師葛飾北齋嘅名作《諸國瀧廻下野黑髮山霧降之瀑》所描繪嘅景象。
葛飾北齋名作《諸國瀧廻下野黑髮山霧降之瀑》
關於《諸國瀧廻下野黑髮山霧降之瀑》掛軸畫
《諸國瀧廻下野黑髮山霧降之瀑》係聞名世界嘅日本浮世繪大師—葛飾北齋嘅作品。推斷於1833年左右畫，係一幅彩色印刷嘅木版畫，喺掛軸畫中非常出名。
參透葛飾北齋名作
葛飾北齋嘅名作「諸國瀧廻」系列共有8件作品，呢個系列嘅共同特徵在於瀑布流水嘅描繪。以垂直構圖繪製嘅浮世繪作品《下野黑髮山霧降之瀑》之中，瀑布強而有力嘅線條、鷹爪般捲曲嘅流水，猶如一隻巨大嘅生物，係葛飾北齋藝術特色之一。好多外國人睇到呢幅作品時，都不禁讚嘆「cool！」。呢件浮世繪作品中，瀑布上方有兩名旅客，下方則有三名旅客仰望瀑布，被推斷係去緊瀑布附近嘅日光東照宮嘅參拜者。
「下野黑髮山」係舊名？
由於「霧降瀑布」嘅地理位置係以前喺行政上區分屬下野國，所以浮世繪畫作嘅原名為「下野」。但現時霧降瀑布位於栃木縣日光市，而附近有個地方亦叫「下野市」，小心唔好混淆呀。另外，「黑髮山」其實都係別名嚟嘅，正式名稱係叫「男體山」先啱。
從觀瀑台眺望霧降瀑布的景色
現時「霧降瀑布」附近建築咗一個可以眺望瀑布嘅「觀瀑台」，唔使好似浮世繪中所描繪嘅旅人一樣行到咁近瀑布。從巴士站入口處到「觀瀑台」，都係行約15分鐘就到。喺近年修建好嘅木製「觀瀑台」上感受陽光，喺鬱鬱蔥蔥嘅大自然包圍下眺望飛瀉而下嘅瀑布，令人感到身心舒暢。秋天時，整片山頭被染成紅色同黃色，呈現迷人嘅漸層色彩。
霧降三大秘景瀑布
霧降瀑布上游有三個瀑布秘景，統稱「霧降隱三瀑布」（霧降隠れ三滝），其中有高約10米、魄力十足嘅「丁字瀑布」；猶如垂簾嘅「玉簾瀑布」；即使日頭仍然好暗嘅「黑瀑布」。有時間話一定要去唒所有瀑布打卡啦！
景點資訊
- 景點名稱 : 丁字瀑布
- 地址 : 栃木縣日光市
- 交通方式 : JR日光駅、東武日光站乘搭往霧降高原方向嘅東武巴士，於「隱三瀑布（隠れ三滝）」落車，徒歩20分鐘。
- 有否提供Wi-Fi支援: 沒有
景點資訊
- 景點名稱 : 玉簾瀑布
- 地址 : 栃木縣日光市
- 交通方式 : JR日光駅、東武日光站乘搭往霧降高原方向嘅東武巴士，於「隱三瀑布（隠れ三滝）」落車，徒歩40分鐘。
- 有否提供Wi-Fi支援: 沒有
景點資訊
- 景點名稱 : 黑瀑布
- 地址 : 栃木縣日光市
- 交通方式 : JR日光駅、東武日光站乘搭往霧降高原方向嘅東武巴士，於「隱三瀑布（隠れ三滝）」落車，徒歩60分鐘。
- 有否提供Wi-Fi支援: 沒有
去霧降之瀑嘅交通方式
從東京出發嘅話，乘搭東北新幹線同JR日光線抵達JR日光站，再轉搭「往霧降高原・大笹牧場方向」嘅東武巴士，約10分鐘抵達「霧降滝入口」。
景點資訊
- 景點名稱 : 霧降瀑布
- 地址 : 栃木縣日光市所野
- 交通方式 : 於JR日光站、東武日光站乘搭巴士約10分鐘
- 有否提供Wi-Fi支援: 沒有
Comments