去日光玩必買嘅5大手信特產

日光因為離東京近，由東京出發嘅交通好方便，近年都有好多遊客去東京旅行時，順道玩埋日光。今次就等小編同大家介紹去日光旅行時，5大必買嘅手信特產啦。日光除咗有出名嘅寺社佛閣等歷史景點之外，仲有好多同歷史有關嘅美食、傳統食品同工藝品。

日光必買5大手信之一：蜂蜜蛋糕

雖然蜂蜜蛋糕喺東南亞，甚至全世界都相當普及，但日光嘅蜂蜜蛋糕特別在於佢嘅歷史。喺17世紀時航行抵達日本嘅荷蘭人，將蜂蜜蛋糕作為貢品獻畀江戶幕府同日光東照宮。

喺日光有好多商舖賣蜂蜜蛋糕，其中以「日光蜂蜜蛋糕本舖（日光カステラ本舗）」最出名。以日光東照宮嘅陽明門作為主題嘅「金箔蜂蜜蛋糕」同埋以日光嘅杉並木作為主題嘅「抹茶蜂蜜蛋糕」都好推薦㗎。

「湯波饅頭（ゆばまんじゅう）」係日光嘅名產，當中「湯波（ゆば）」係以大豆作為原料製成嘅和菓子。使用大量湯波嘅皮包著紅豆餡，唔會過甜，有點鹹味，帶出一種高雅嘅味道為其特徵。

此外，「日光 Sakaeya（日光さかえや）」嘅「油炸湯波饅頭（揚げゆばまんじゅう）」呢款新特產都好受歡迎！可以喺店內品嚐即整即炸嘅美味油炸湯波饅頭，一定要試吓啦！

「日光甚五郎仙貝」有100年以上歷史嘅和菓子，一直以嚟喺日光都好受歡迎。有牛油香味同輕微鹽味，食極唔膩嘅美味令人難忘！此外，唔會好重口味，所以任何年齡嘅人都可以食得好滋味。

呢款仙貝只有喺知名老舖嘅日光和菓子店「石田屋」有製造同賣嘅咋，都算係幾特別嘅特產嚟呀！

「日光雕刻（日光彫）」係從17世紀流傳至今、代表著栃木嘅傳統工藝。喺木材上雕刻龍或櫻花等細緻圖案，再塗漆完成。想買嚟做手信時，推薦買盤或碟仔等日常生活中可以用到嘅商品。

此外，日光雕刻亦可以喺「村上豐八商店」和「WOODMOCC」等地方可以買得到。

「日光木屐」係約300年前喺日光誕生嘅傳統工藝品。「日光木屐」係喺日本傳統木製「木屐」上，再縫上竹皮製成嘅「草履」。夏天著起嚟涼爽，冬天著就溫暖，非常舒適。

日光木屐可以喺「日光木雕之里工藝中心」同「倉田工房」等工藝品店買得到，既然咁代表到日光咁買嚟做「到此一遊」嘅紀念品都幾好吖。

以上介紹嘅日光名產同其他手信特產都可以喺JR日光站、東武日光站內同車站附近買得到，或者由車站行去日光東照宮途中嘅街道兩邊，都聚集咗好多商舖可以睇吓啊。去日光玩時就要去呢啲商店搵心頭好啦。