去栃木縣觀光旅行，建議住喺主要觀光地區嘅酒店或溫泉鄉嘅溫泉旅館。住喺日光、宇都宮地區就可以好方便咁去到各個觀光名勝，而住喺鬼怒川溫泉同那須鹽源地區就主要體驗日式溫泉旅館。
日光地區的酒店住宿
日光位於栃木縣西北部，係一個聚集咗各式觀光名勝嘅地區。日光地區嘅住宿設施集中喺日光車站附近同日光東照宮等神社佛閣所在嘅「世界遺產地區」。
此外，從日光站乘搭巴士約40分鐘車程，可抵達「中禪寺湖地區」，呢度都有好多住宿設施。特別係中禪寺湖有好多酒店旅館，大部分住宿都有提供可以享受日本風情嘅和室，或摩登時尚嘅洋室客房。
附近有「華嚴瀑布」、「中禪寺立木觀音」等觀光景點，並且可以體驗搭乘遊覽船遊湖觀光。
景點資訊
- 景點名稱 : 日光（東武日光站）
- 地址 : 栃木縣日光市松原町4-3
- 交通方式 : 於新宿站乘搭特急SPACIA約2小時
- 是否提供Wi-Fi : 有 (Nikko City Wi-Fi)
- 對應語言 : 中文、英文
- 可否使用信用卡：VISA, MasterCard, JCB, AMERICAN EXPRESS, Diners Club International (根據各設施而定)
更多相關文章：
- 去栃木縣日光 來趟世界遺產一日遊
- 日光市7大溫泉住宿推薦
- 海拔1,269米的中禪寺湖 日本最高的湖泊之一
- 栃木縣日光秋天賞楓攻略
- 日光「神橋」：一個充滿歷史的世界文化遺產
- 日光秘景「憾滿之淵」 瀰漫奇幻氣氛的美麗溪谷
- 日光華嚴瀑布氣勢磅礡 屬日本三大瀑布之一
- 日光「中禪寺・立木觀音」徹底剖析
宇都宮地區的酒店住宿
宇都宮係栃木縣嘅縣廳所在地，而且交通方便，好多人去栃木縣旅行都會以宇都宮作為住宿落腳點。建議可以入住主要車站嘅JR宇都宮站附近，有多間酒店，價格合理。住宿費用最平都係由3,000円起。
宇都宮地區除咗有「大谷資料館」及「和平觀音」等觀光名勝之外，仲有各種紀念品商店、餐廳、購物設施等等。
景點資訊
- 景點名稱 : 宇都宮（宇都宮站）
- 地址 : 栃木縣宇都宮市川向町1
- 交通方式 : 東京站乘搭東北新幹線約50分鐘
- 是否提供Wi-Fi : 有 (Utsunomiya City Free Wi-Fi)
- 對應語言 : 中文、英文、韓文
- 可否使用信用卡： VISA, MasterCard, JCB, AMERICAN EXPRESS, Diners Club International (根據各設施而定)
更多相關文章：
鬼怒川溫泉地區的酒店住宿
鬼怒川溫泉位於日光市北部，係鬼怒川上流區域嘅溫泉勝地。歷史可追溯到約300年前以上，係一個歷史悠久嘅溫泉區。鬼怒川沿岸有多間溫泉旅館同酒店。住宿費用價格帶為10,000至30,000円居多，其中亦有約4,000円嘅平價住宿設施，或者一晚約60,000円嘅高級旅館。
附近有「日光江戶村」同「東武世界廣場」等旅遊景點，去呢度浸溫泉之餘，仲可以欣賞美麗景色。
景點資訊
- 景點名稱 : 鬼怒川溫泉（鬼怒川溫泉站）
- 地址 : 栃木縣日光市鬼怒川溫泉大原1390
- 交通方式 :於新宿站乘搭特急SPACIA約2小時10分鐘
- 是否提供Wi-Fi : 有 (根據各設施而定)
- 對應語言 : 英文
- 可否使用信用卡： VISA, MasterCard, JCB, AMERICAN EXPRESS, Diners Club International (根據各設施而定)
更多相關文章：
那須鹽原地區的酒店住宿
那須鹽原位於栃木縣最北面嘅位置，其中鹽原溫泉、那須溫泉位於山谷溪澗地區。呢兩個溫泉鄉聚集眾多溫泉旅館、酒店、宿舍等住宿。
例如，鹽原溫泉位於溪谷沿岸，係一片廣闊嘅溫泉地，大部分住宿設施都可以從客房或露天溫泉浴池眺望溪谷美景。此外，那須溫泉位於日本數一數二嘅避暑勝地「那須高原」地區內。呢度特別以渡假型酒店或整棟出租嘅別墅居多。其他喺JR宇都宮線嘅那須鹽原站附近亦有幾間住宿設施。
順道一提，那須鹽原地區亦有各式觀光景點，例如有瀑布、吊橋、濕原、大型購物商場等等，類型多元豐富。
景點資訊
- 景點名稱 : 那須鹽原（那須鹽原站）
- 地址 : 栃木縣那須鹽原市大原間561
- 交通方式 : 於東京站乘搭JR東北新幹線約1小時10分鐘
- 是否提供Wi-Fi : 有 (免費Wi-Fi卡 : 那須鹽原市觀光振興中心, 道之駅「明治之森・黑磯」）
- 對應語言 : 中文、英文、韓文
- 可否使用信用卡： VISA, MasterCard, JCB, AMERICAN EXPRESS, Diners Club International (根據各設施而定)
Comments