中禪寺湖係一個位於栃木縣日光市日光國立公園内嘅湖畔。附近有瀑布、溫泉、寺廟神社等各式各樣嘅觀光景點。
關於日光中禪寺湖
中禪寺湖大約喺2萬年前，由男體山噴火而形成，係一個面積11.62平方公里、周長約24公里嘅巨大湖泊。位於海拔1,269米，係日本最高嘅自然湖泊之一。附近除咗有觀光景點、餐廳、住宿設施等，仲可以乘搭湖上觀光船遊覽。
中禪寺湖嘅氣候、觀光季節
中禪寺湖位置由於海拔高，夏天涼爽，冬天寒冷。一日之中嘅溫差大。夏天係熱門嘅避暑勝地，故推薦夏天到此旅遊。
而秋天，則可以欣賞圍繞湖畔嘅紅葉美景，都係唔錯嘅觀光季節嚟㗎。
中禪寺湖觀光重點導覽
中禪寺湖北岸有中禪寺溫泉、華嚴之滝，日光二荒山神社等觀光景點。而南岸就有中禪寺，外國大使館別墅群，幾乎都保留完整嘅自然景觀。以下就要為大家介紹中禪寺湖畔及附近特別值得推薦嘅觀光景點。
中禪寺湖附近行山遠足
中禪寺湖南岸有一條約13公里嘅行山遠足路線。對岸為雄壯嘅男體山，可以欣賞山脈倒映在湖面嘅美景。另外，仲有一條長約5公里嘅步道，從北岸嘅中禪寺溫泉延伸到「龍頭瀑布」。呢條行山路徑好簡單易行，適合初學者。
華嚴瀑布等自然觀光景點
中禪寺湖有好多自然觀光美景。其中兩個瀑布更係知名賞紅葉好地方。「華嚴瀑布」高97米，係日本三大名瀑之一，水從岸壁奔騰而下，氣勢磅礡。另一個則係「龍頭瀑布」，命名由來係因為瀑布嘅形狀彷彿龍吐水珠。同一般瀑布不同，龍頭瀑布係以平緩嘅方式直流，綿延200多米，喺中段分開兩條，然後再匯集成一條。
中禪寺湖的必吃美食：鱒魚料理
中禪寺湖嘅必吃美食之一，就係使用柳川、地獄川合流注入嘅中禪寺湖湖水孕育出嘅姫鱒魚所製成嘅料理。喺西餐廳、日式餐廳、酒店等都可以品嚐到，以鹽燒、炒等方式調理嘅鱒魚。大部分餐廳集中喺中禪寺溫泉區。
中禪寺湖嘅酒店、旅館分佈
中禪寺湖嘅住宿設施大部分集中喺中禪寺湖溫泉地區一帶。有酒店或旅館，但以酒店嘅數量居多，湖畔沿岸亦有幾間住宿設施。
從日光出發去中禪寺湖嘅交通方式
於「JR日光站」或「東武日光站」乘搭往中禪寺溫泉、溫泉方向嘅東武巴士，車程約50分鐘抵達「中禪寺溫泉巴士總站」。再徒步約5分鐘抵達中禪寺湖。
景點資訊
- 景點名稱：中禪寺湖（中禪寺溫泉巴士總站）
- 地址：栃木縣日光市中宮祠
- 交通方式：於JR日光站或東武日光站乘搭東武巴士約50分鐘
- 是否提供Wi-Fi：有（TOBU FREE Wi-Fi）
- 對應語言： 中文、英文
- 購票地方：於各特定車站
- 可使用信用卡：VISA, MasterCard, JCB, AMERICAN EXPRESS, Diners Club International
Comments