那須鹽原市內有各式各樣嘅觀光名勝同溫泉鄉等應有盡有。其中最推薦鹽原溫泉同板室溫泉等擁有悠久歷史嘅溫泉鄉。可以享受充裕且優質嘅溫泉水。如果去那須鹽原地區旅行就要浸埋嗰邊啲溫泉啦。
那須鹽原地區有咩好玩？
栃木縣嘅那須鹽原市內有濕原、瀑布等雄壯自然風光及溫泉鄉，另外亦有花卉景觀豐富嘅公園、優美嘅吊橋等各具魅力嘅大自然觀光景點。除咗鹽原地區，去埋鄰近嘅日光玩交通都好方便。入住那須鹽原地區嘅酒店旅館作為落腳點，去周邊景點玩都唔錯呀。
那須鹽原的溫泉旅館
鹽原溫泉歷史悠久，從那須鹽原搭巴士約65分鐘就到。喺度可以享受各式各樣嘅溫泉泉水。溫泉街有眾多酒店同溫泉旅館林立。一於住宿喺可以眺望美景嘅溫泉旅館，享受優質溫泉！
那須鹽原溫泉的特色
鹽原溫泉歷史悠久，大約有1,200年。擁有超過150個泉源，溫泉街上有好多住宿設施，可以享受唔同泉質同功效嘅溫泉。
板室溫泉旅館
板室溫泉自古以來被視為療養治病嘅溫泉鄉，被稱為「療傷之湯」。充滿日式風情嘅溫泉街瀰漫著古色古香嘅氣氛。板室溫泉附近有各種景點，欣賞豐富自然景觀嘅同時仲可以享受溫泉。
板室溫泉旅館的特色
板室溫泉可以體驗古老嘅「綱之湯」入浴法，即係捉住懸掛嘅深式浴槽繩索，浸深到及腰嘅溫泉，係一種好獨特嘅入浴法。據說可以舒緩膝蓋同腰等部位嘅痠痛。以前板室曾經有一個公共浴場，但現時只可以體驗「板室健康之湯GreenGreen」，呢個係一個日歸溫泉（不提供住宿設備），擁有豐富溫泉量嘅室內溫泉及開放式露天溫泉。「綱之湯」設每星期男女輪流使用。
去那須鹽原溫泉地區的交通方式
喺東京站搭新幹線，到那須鹽原站轉搭巴士，約65分鐘後喺鹽原溫泉巴士總站落車。
去板室溫泉的交通方式
喺東京站搭新幹線，於那須鹽原站落車後搭的士約25分鐘就到。或由JR那須鹽原站搭JR列車到黑磯站，再轉搭東野交通巴士，約35分鐘於「板室溫泉」落車。
景點資訊
- 景點名稱 : 鹽原溫泉
- 地址 : 栃木縣那須鹽原市鹽原
- 交通方式 : JR那須鹽原站乘搭巴士約65分鐘，於「鹽原溫泉巴士總站」落車。
- 景點名稱 : 板室溫泉
- 地址 : 栃木縣那須鹽原市板室
- 交通方式 : JR那須鹽原站乘搭的士約25分鐘或於JR黑磯站乘搭巴士，於「板室溫泉」落車。
Comments