「千葉縣立 房總之村」內展示千葉縣內各地出土考古文物，並重現昔日武家、商家、農家各種場景嘅體驗型博物館。可以實際體感日本同千葉縣嘅房總半島嘅傳統生活模樣同當時嘅技術。並且可以深入理解現今作為千葉縣主要區域—「房總地方」自古傳承至今嘅文化。
「千葉縣立 房總之村」展示日本千葉縣歷史建築
「千葉縣立 房總之村」係一間博物館，將日本古時嘅武家、商家同農家等嘅傳統歷史建築物以實際大小重現。館內有著從江戶時代後期至明治時代嘅大大小小總共78棟嘅建築物。此外，亦珍藏咗千葉縣內各地出土嘅考古文物。透過展示可以瞭解並學習到房總嘅歷史。另外，多元豐富嘅體驗展區亦相當受歡迎。例如蠟燭或竹製品等手工製作、糖果或蕎麥麵嘅食物製作等。根據四季不同時期嘅祭典、演武、民俗藝能嘅表演或特別展覽等活動都不定期舉行。
「千葉縣立 房總之村」設施簡介
「千葉縣立 房總之村」嘅開放時間係上午9點再下午4點半（亦有臨時延長開館時間嘅日子）。休館日為每週一（星期一遇日本公眾假期時將會開館，改為隔日休館）、年尾年頭嘅日本新年假期，仲會有臨時休館日。入館門票費用為成人300円、大學・中學高中生150円、而中學初中生或以下免費。博物館內嘅參觀所需時間方面，如果想慢慢行的話，大約係2個鐘左右。
「千葉縣立 房總之村」大影COSPLAY相
可以喺「千葉縣立 房總之村」影COSPLAY相，原則只要係著日式和服，並且服裝、擺嘅姿態、動作同行為符合博物館嘅規定的話，就可以影，但留意需要事先透過電話預約先呀。此外，喺博物館內若有舉辦活動時，將會以館內活動優先，咁就可能無法預約COSPLAY攝影，或者已經預約好嘅日期，亦會有因為博物館方嘅考量而會有所調整或回絕嘅可能性。
從成田機場去房總之村嘅交通方式
從成田機場去房總之村，可以喺「成田機場站」搭乘京成本線往京成上野方向電車，至「京成成田站」落車。徒步走到「JR成田站」轉搭JR成田線，搭到「安食站」落車。或者從JR成田站西口搭開往龍角寺台車庫嘅巴士，喺「龍角寺台2丁目」落車後徒步約8分鐘。
景點資訊
- 名稱：體驗型博物館 千葉縣立 房總之村（千葉県立房総のむら）
- 地址：千葉縣印旛郡榮町龍角寺1028
- 交通方式：
- 從JR安食站搭往龍角寺台車庫方向嘅巴士（約10分鐘）喺 「房總之村」落車後徒步約3分鐘
- 從JR成田站西口搭往龍角寺台車庫方向嘅巴士，到「龍角寺台2丁目」落車後徒步約8分鐘
- Wi-Fi：有
- 語言：英文
- 門票：於售票窗口購票
- 信用卡：無法使用
Comments