日光鬼怒川順流而下 驚險刺激嘅遊船體驗

「鬼怒川順流遊覽船（鬼怒川ライン下り）」係一項沿著日光鬼怒川順流而下嘅遊船體驗，可以飽覽栃木縣鬼怒川嘅溪谷四季不同美景。嚟到日光欣賞美麗大自然同時，不妨體驗一下驚險刺激嘅遊船活動啦！

日光鬼怒川順流遊覽船

「鬼怒川順流遊覽船」體驗活動需時約40分鐘，可以盡享日光美景。乘搭船夫操縱嘅遊覽船，從船上欣賞兩岸四季不同景色。同時，仲可以享受濺起嘅水花所帶嚟嘅驚險刺激巡航之旅。

日光鬼怒川順流遊覽船嘅特色

「鬼怒川順流遊覽船」嘅特色當然要數溪谷美景啦！春天有色彩鮮艷嘅杜鵑花等花卉盛放，夏天係一片清爽嘅新綠，秋天隨著季節逐漸轉為楓葉紅色美景。船夫熟悉鬼怒川地形，以船槳巧妙地操縱遊覽船，讓遊客能盡情享受一趟魄力滿分嘅遊船體驗。

日光鬼怒川順流遊覽船導覽

「鬼怒川順流遊覽船」嘅營業期間為4月中旬至11月下旬為止。運航時間為09:00〜15:45，一天12班。營業期間無休息日，但若遇上大雨、雷雨、強風、河川水量增減等狀況，有可能將會暫停航運而不作通知。乘船費用為：成人（中學生或以上）2,800円、兒童（4歲以上）1,800円、幼兒（1歲至3歲）600円。受限於救生衣尺寸，未滿1歲嘅嬰兒無法搭乘。

落船後如果要返到搭船嘅地方，可以搭免費接駁巴士返去（於遊覽船售票處先行預約）。可以提前喺網站上預約乘船。如果無事前預約，當日有空位都可以搭船。除租用整艘嘅專屬船隻之外，其他船班全部都係同其他遊客一齊搭，全部航次準時開船。如果預約後取消，需付取消費用。開船20分鐘前截止售票，啟航嘅10分鐘前開放登船。遇到落雨天時會免費提供雨衣供遊客穿著乘船。

去鬼怒川順流遊覽船乘船處嘅交通

從東京出發嘅話，喺東武線淺草站乘搭「特急SPACIA」約２小時，於鬼怒川溫泉站落車。可於JR新宿、池袋或大宮乘搭2小時嘅直通列車鬼抵達怒川溫泉站。從鬼怒川溫泉站行5分鐘就到鬼怒川順流遊覽船乘船處。

景點資訊

• 景點名稱 : 鬼怒川順流遊覽船
• 地址 : 栃木縣日光市鬼怒川溫泉大原1414番地
• 交通方式 : 東武線淺草站乘搭特急SPACIA約２小時，於鬼怒川溫泉站落車。徒步5分鐘抵達鬼怒川溫泉站。
• 是否提供Wi-Fi : 有
• 對應語言 : 僅限日文
• 可否使用信用卡 : 售票櫃檯或網上預約