栃木縣日光市嘅「伊呂波坂」山道，係一條可以享受美景但駕駛難度高嘅行車路線，連接日光市同中禪寺湖地區。迂回曲折嘅山路上有48個急彎，而且多數都係180度急轉彎，每次轉彎都可以欣賞到唔同角度嘅風景。四季景色各有特色，尤其以紅葉季最精彩，每年都吸引大批遊客去一睹層次豐富嘅山頭紅葉美景。
日光「伊呂波坂」山道 48個急彎構成嘅絕景公路
「伊呂波坂」係連接日光市、中禪寺湖、奧日光嘅一條觀光道路。分成上下兩段山路：落斜專用嘅「第一伊呂波坂」，同上斜專用嘅「第二伊呂波坂」。呢段環山公路共有48個急轉彎道，於是就按照日語古代「伊呂波歌（いろは歌） 」嘅48個假名順序，將彎道分別命名 ，因而被稱為「伊呂波坂」。伊呂波坂位於海拔800米，中禪寺湖位於海拔1,260米，兩者高低差約440米。「伊呂波坂」嘅高低落差及日夜溫差，令整個山頭嘅紅葉變色時間唔同，所以屆時可以欣賞到逐漸變色嘅紅葉美景！
日光「伊呂波坂」山道嘅魅力
伊呂波坂係擁有48個急彎嘅崎嶇山路，係一條風景優美嘅遊車河兜風路線，亦係日光知名賞紅葉名勝。紅葉季節車水馬龍，人頭湧湧，建議預留多啲時間，提早出發。喺「第二伊呂波坂」途中嘅「明智平展望台」，可以眺望壯觀嘅山景；從「第一伊呂波坂」則可望到禪寺湖同華嚴瀑布。
迂回曲折嘅「伊呂波坂」實為電影《頭文字D》取景地
行經伊呂波坂嘅巴士路線每日運行。可以先搭「往明智平方向」嘅巴士路線，再轉搭明智平纜車去「明智平展望台」。喺明智平展望台可以俯瞰伊呂波坂蜿蜒嘅山路，仲有華嚴瀑布、中禪寺湖等日光景點。伊呂波坂分為「落斜專用嘅第一伊呂波坂」及「上斜專用嘅第二伊呂波坂」兩條山路，而明智平位於第二伊呂波坂中途位置。因為兩條道路都只能單向行駛，所以去同返嘅巴士行條路會唔同㗎。
去日光伊呂波坂朝聖嘅交通
從東京出發嘅話，喺東京站乘搭新幹線到宇都宮，再轉搭JR日光線至「日光站落車」。於JR日光站或東武日光站乘搭「往中善寺方向」嘅東武巴士，於「明智平」落車。
景點資訊
- 景點名稱：日光伊呂波坂（明智平展望台）
- 地址：栃木縣日光市細尾深澤
- 交通方式：於JR日光站或東武日光站乘搭東武巴士（約40分鐘），於「明智平」落車即抵達。
- 是否提供Wi-Fi : 沒有
- 對應語言：僅限日文
- 票價：免費
- 可使用信用卡：不支援
Comments