喺長野縣安曇野市的大王WASABI農場摘新鮮WASABI！

「大王WASABI農場」位於長野縣嘅安曇野市，係全日本最大嘅WASABI（芥末）農園。自然豐富嘅安曇野，係一個可以俾你輕鬆地HEA（悠閒）一日嘅田園小鎮。大王WASABI農場以當地新鮮摘嘅芥末，整成一道道原創美食。WASABI由北邊阿爾卑斯山清涼嘅淨水所孕育，可以感受到當地自然風情。

大王芥末農場嘅歷史

「大王WASABI農場」位於長野縣安曇野市，係全日本規則最大嘅WASABI農場。場內栽種咗使用北阿爾卑斯嘅融化雪水嚟培育WASABI。大王WASABI農場於1917年開始，擁有百年歷史，利用扇狀地形同豐富水源嚟開墾芥末田。本來係雜草叢生嘅荒地，經長達20年時間，終於開拓而成。現時農場內除咗有WASABI田地，仲有餐廳，小賣店，WASABI加工場等，俾大家去到都有嘢好玩！

長野縣安曇野市的大王WASABI農場嘅特色

「大王WASABI農場」內可以自由散步參觀，場內有4個「山葵田巡遊（わさび田めぐり）」係推薦嘅參觀路線。亦有水車小屋、展望台、步道等，都可以慢慢行，慢慢影相都好有feel呀，仲要後有北阿爾卑斯山自然山景嘅襯托下，影出嚟嘅相就更靚啦！

農場內嘅餐廳同體驗設施都好完善，亦可以享用以正宗WASABI所製成嘅軟雪糕等原創美食，超級特別！另外，仲可以參加體驗工作坊，試吓用新鮮採摘嘅WASABI嚟整成日本「ＷASABI漬物」。記念館內亦有大王WASABI農場嘅相關歷史展示出嚟。

大王WASABI農場的營業時間

大王WASABI農場入場免費，營業時間為3月至10月09:00～17:20、11月至2月則係09:00～16:30，全年無休。要小心呢度係禁止帶其他唔係農場嘅嘢進入㗎。

去大王WASABI農場嘅交通方式

從東京出發嘅話，喺東京站搭往高尾方向嘅JR中央線，去到「高尾站」落車。轉車搭「往松本方向」嘅JR中央本線，去到「松本站」落車。最後搭「往信濃大町方向」嘅JR大糸線至「穂高站」落車，再搭的士約10分鐘抵達。

景點資訊

• 景點名稱：大王WASABI農場
• 地址：長野県安曇野市穂高3640
• 交通方式：於JR大糸線「穂高站」落車乘搭的士約10分鐘。
• 有無提供Wi-Fi：有
• 對應語言：僅限日文
• 票價：免費
• 可否使用信用卡：僅限紀念品店可以使用（餐廳等飲食店不可使用）