成田AEON MALL（永旺夢樂城成田）係位於千葉縣成田市嘅大型購物商場。鄰近成田國際機場，係回國之前順道造購物嘅好去處。
專為訪日外國旅客而設嘅服務都好充實！
成田AEON MALL 針對訪日旅遊嘅外國旅客設置咗好多安心使用嘅設施。例如1樓設有免稅櫃台嘅「旅客資訊中心」、外幣兌換機，仲有免費充電站同SIM卡自動售賣機。
成田AEON MALL內有多國語言指示牌
商場內嘅指示牌有多國語言對應，包含英文、中文、韓文同泰文。
設計同尺寸上都有仔細考慮過，無論使用者係咩年齡、性別、國籍、身心障礙人士，所有去購物嘅訪客都可以喺清晰明瞭嘅指示下輕鬆、盡情地行街！
即時翻譯讓購物更順暢
服務櫃檯同旅客資訊中心都有導入「影像即時口譯」服務。透過平板電腦或智能手機，俾旅客喺商場內無論何時何地，都可以一鍵連接到即時口譯中心。咁樣行緊街時都唔怕唔識點同日本店員溝通啦。翻譯提供中文、英文、韓文、泰文等10國語言，令外國旅客都可以順暢地行街買嘢！
成田AEON MALL的推薦商店
喺成田AEON MALL可以喺經濟實惠嘅店舖同餐廳行街食飯。商店嘅種類從日用品、食品、生活雜貨、醫藥品，到服飾等各式各樣、應有盡有。除咗購物之外仲有其他休閒娛樂設施，例如戲院、餐廳、咖啡店等。就等我哋精選幾間商店推薦俾大家啦。
售價平實、品質優良的商店
大家都知「DAISO大創」可以用100円平價就買到各式日用品同雜貨，又平又靚。而喺「AEON 成田店（超級市場）」更可以買到高品質嘅化妝品或醫藥品。就算香港都有DAISO，但日本DAISO嘅商品都會有唔同嘅，平平地買啲特別款嘅商品返去都唔錯呀！
商品充滿日式風格的商店
售賣各種充滿日式風格嘅創意商品或食品嘅商店都好推薦！其中有間「倭物屋カヤ（日式商品商店KAYA）」就係賣時尚和風雜貨同日式小物嘅雜貨店。其他仲有家電量商店「Nojima」，有日本數碼相機、電子遊戲機、小型美容家電等高性能嘅日本商品，又多款式，又齊全，都好受外國遊客歡迎！
此外，日本食品方面當然都唔可以錯過啦。1樓有日本食品、外國品牌店同朱古力專門店。其中推薦售日式丸子同日式饅頭嘅和菓子專賣店「口福堂」，仲有以日本茶為主嘅茶葉專賣店「三國屋善五郎」。
成田AEON MALL嘅推薦餐廳
成田AEON MALL嘅1樓同2樓各設有餐飲專區。1樓有日式料理、中華料理、義大利料理等11間餐廳；2樓嘅美食廣場「Food Forest」則有蕎麥麵、海鮮丼、拉麵等日式料理為主嘅店，仲包括埋有清真認證嘅餐廳，多種類任君選擇。
從成田機場出發去成田AEON MALL的交通方式
從成田機場去成田AEON MALL可以搭接駁巴士，輕鬆又方便！從第1・第2航廈大約20分鐘就到。此外，從「成田希爾頓酒店」或「ANA皇冠假日酒店 成田機場」等機場附近嘅酒店都有去成田AEON MALL嘅免費接駁巴士。
景點資訊
- 名稱：成田AEON MALL（永旺夢樂城成田）
- 地址：〒286-0029 千葉縣成田市WING土屋24
- 交通方式：從成田機場搭乘接駁巴士約20分鐘
- Wi-Fi：有
- 語言：中文、英文、泰文
- 信用卡：可使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International大來國際信用卡、銀聯卡（依各店鋪而定）
Comments