鴨川海洋世界：位於千葉海邊嘅水族館主題樂園

鴨川海洋世界係位於千葉縣房總半島嘅大型海洋主題樂園。喺呢度可以欣賞到各式各樣嘅海洋生物，亦可以喺餐廳品嚐美食同喺紀念商品店買手信。

位於千葉房總半島嘅鴨川海洋世界

鴨川海洋世界園內有展示設施、飼育水池、餐廳、紀念品店等各種設施。有魚類嘅海洋生物水槽，亦有海獅或企鵝等飼育水池，都將各種生物原本嘅生育環境重現。所以可以喺度睇到各種動物喺自然環境中活躍嘅姿態呀！

此外，仲可以喺度睇動物表演添，每日都會舉辦虎鯨同海豚嘅表演Show，相當具有震撼力。鴨川海洋世界附近都有間官方「鴨川海洋世界飯店」。住喺呢間酒店嘅房客仲可以免費入園，住宿期間可經由直通鴨川海洋世界嘅專用通道自由進出園區，咁行到攰又可以返酒店休息一下先再去都得啦。

喺鴨川海洋世界，透過展示或表演，可以讓你了解到海洋生物嘅悟性同運動能力。此外，仲可以透過體驗活動，同海豚近距離接觸，或者同海獅合照留念等等。喺呢度可以親身體驗，去了解各種各樣嘅海洋魅力。以下精選特別推薦嘅內容做介紹。

虎鯨表演可以話係鴨川海洋世界最受歡迎嘅表演項目。特別係表演當中展現動物與訓練師嘅默契、泳姿同跳躍都好出色。睇完一定拍爛手掌！

除咗虎鯨之外，亦有海豚、海獅、白鯨等表演節目，可以欣賞到各種不同嘅演出。

鴨川海洋世界中有唔同嘅飼育池重現唔同嘅自然棲息環境，可以睇到海洋動物喺自然環境中，最真實、舒適地生活嘅模樣，而其中海象、企鵝、花魁鳥係最值得一看！

尤其係海象嘅餵食時間更不容錯過。擁有超過1噸嘅巨大身體，海象搖搖擺擺地走向飼育員要食嘢姿態，真係又可愛又有震撼力啊！

鴨川海洋世界嘅營業時間根據季節同星期幾而有唔同。大致上係平日09:00～16:00或09:00～16:30，星期六及日為09:00～17:00。去之前建議事先上官網Check好營業時間先去啦。

此外，鴨川海洋世界需要購票入園，門票費用為1日券門票成人3,000円。（2019年5月時之資訊）

從東京去鴨川海洋世界，可以搭電車或巴士。搭電車的話，首先從JR東京站搭到JR安房鴨川站。搭「特急若潮號列車（特急わかしお）」約1小時50分鐘。從安房鴨川站有免費接駁巴士，車程約10分鐘就到鴨川海洋世界；搭巴士的話，從東京站八重洲口搭直達巴士，到鴨川海洋世界車程約2小時。