日本栃木縣鬼怒川溫泉嘅旅遊魅力

鬼怒川溫泉位於栃木縣嘅鬼怒川上游，隸屬日光國立公園，係北關東好出名嘅溫泉勝地。除咗溫泉，鬼怒川仲擁有豐富嘅自然景點，主題樂園等，仲可以體驗各式各樣嘅戶外活動。

鬼怒川溫泉約喺300年前江戶時代被發掘，係一個歷史悠久嘅溫泉地。相傳當時淨係允許大名（即當時的領主）同僧侶入浴。喺1800年代後半期先對外開放，逐漸發展成現今嘅熱門觀光地。鬼怒川沿岸有好多間酒店同溫泉旅館林立，好適合安排喺鬼怒川溫泉住返一頭半晚，嚟個兩日一夜嘅鬼怒川之旅呀。

鬼怒川溫泉必去景點

鬼怒川溫泉充滿各式各樣觀光景點。今次小編就為大家介紹鬼怒川嘅推薦景點，同戶外活動地點。

鬼怒川溫泉內有「龍王峽」、「鬼怒楯岩大吊橋」等可以欣賞嘅景點。特別推薦「鬼怒川溫泉空中纜車」。於海拔300米嘅空中纜車一覽鬼怒川群山美景，絕對會令你讚不絕口！

另外，推薦「日光江戶村」或「東武世界廣場」等熱門主題樂園。其中「日光江戶村」係一個重現江戶時代街頭，可以體驗扮演武士、忍者等日本獨嘅文化。

推薦試吓搭遊船沿著鬼怒川順流而下嘅體驗。一艘木造遊船可以容納30人，全程約30分鐘。隨著緩緩流水，眺望美麗溪谷，經過急流仲可以享受刺激感而深受好評！

玩完一日，去浸返個溫泉消除疲勞啦！推薦可以去「鬼怒川溫泉公園岩風呂」，唔使入住都可以享受溫泉，仲有鬼怒川溫泉站前嘅足浴「鬼怒太之湯」等各式各樣嘅溫泉設施隨處可見。

鬼怒川溫泉嘅名產美食為「湯波」同「溫泉饅頭」等。蕎麥麵店、日式定食店、居酒屋等日式料理店都有提供「湯波」。而「溫泉饅頭」則可以喺和菓子店、禮品店買得到。另外，鬼怒川溫泉一帶嘅餐廳大部分聚集喺鬼怒川溫泉車站附近。

鬼怒川溫泉地一帶有各種酒店同旅館。其中以「鬼怒川廣場酒店（Kinugawa Plaza Hotel）」、「ASAYA HOTEL」、「鬼怒川三日月酒店」、「鬼怒川金谷酒店」、「Kinugawa Park Hotels」等都非常出名。

於淺草站乘搭東武鐵道嘅特急列車，約2小時直達鬼怒川溫泉站。

景點資訊