輕井澤有好多名產美食，去到輕井澤旅行一定要買返啲輕井澤特產、長野特産所製成嘅手信返香港呀。今次小編就為大家介紹5款推薦手信。
輕井澤必買手信之一：選輕井澤撻
「輕井澤撻」係一款手掌大小嘅西式甜品。以酥脆嘅撻皮、鬆軟嘅蛋糕為基底，上方鋪上滿滿嘅核桃或杏仁碎片，口感及風味都令人驚艷。輕井澤撻係一款由西式洋菓子老舗「白樺堂」所製作嘅人氣特產，去輕井澤旅行就一定唔可以錯過啦！
輕井澤必買手信之二：蘋果牛油果醬
「蘋果牛油果醬」係將長野嘅特產—蘋果煮熟後，再加入牛油混合，唔似一般果醬咁挺身，柔滑口感係其特色。蘋果嘅甘甜同牛油嘅清香，配埋新鮮出爐嘅多士或Pancake就最夾！
輕井澤必買手信之三：信州味噌
「信州味噌」係長野嘅特產之一。輕井澤有幾間味噌專門店，除咗有製作料理同甜品嘅味噌之外，仲有經過改良嘅醬料同配料等各種調味料商品。其中推薦「核桃味噌」。甜度適中，甜度適中、滿滿嘅核桃口感，配搭蔬菜或搽麵包食就更好味啦！
輕井澤必買手信之四：輕井澤高原啤酒
「輕井澤高原啤酒」出自輕井澤釀酒廠。以精選嘅麥芽、啤酒花、輕井澤山脈嘅天然水為釀造原料。使用自然發泡嘅獨特製法，釀造出黒啤酒、白啤酒等種類豐富嘅酒類。
輕井澤必買手信之五：輕井澤雕刻
「輕井澤雕刻」係一種輕井澤嘅傳統工藝品。源自於早期，工匠喺西洋傢具上製作木製雕刻，用嚟將外國人嘅輕井澤別墅加以裝飾。傳承至今成嘅「輕井澤雕刻」，以櫻花同葡萄等華麗嘅裝飾為特徵。特別推薦鏡仔、原子筆等小物嚟做手信都好。
輕井澤購買手信嘅地方
以上所介紹嘅輕井澤名產可以喺輕井澤車站同附近嘅商品店買到。另外喺輕井澤嘅商店街或購物廣場都可以買到。
舊輕井澤銀座通
舊輕井澤銀座通係一條有好多各式店鋪嘅商店街，工藝品、服飾、雜貨、手信禮品店琳瑯滿目。另外，販賣輕井澤特產嘅和・洋菓子店、輕井澤彫刻家具工房及店鋪等都聚集喺度。
景點資訊
- 景點名稱：舊輕井澤銀座通
- 地址：長野県北佐久郡輕井澤町大字輕井澤878
- 交通方式：於輕井澤站乘搭路線巴士約4分鐘
- 是否提供Wi-Fi :有（Karuizawa-Free-Wi-Fi）
- 對應語言：英文
- 可否使用信用卡：VISA, MasterCard, JCB, AMERICAN EXPRESS, Diners Club International（根據各店鋪有所差異）
輕井澤王子購物廣場（Karuizawa Prince Shopping Plaza）
輕井澤王子購物廣場距離輕井澤站只有3分鐘路程。內裡唔只有好多服飾品牌嘅商品可以買，而且「Souvenir Coat」區仲有8間店鋪販賣各種長野及輕井澤手信禮品，可以集中喺一個地方血拼都唔錯吖。
景點資訊
- 景點名稱：輕井澤王子購物廣場（Karuizawa Prince Shopping Plaza）
- 地址：長野縣北佐久郡輕井澤町輕井澤
- 交通方式：輕井澤駅南口徒歩約3分鐘
- 是否提供Wi-Fi :有
- 對應語言：英文，中文，韓文
- 可否使用信用卡：VISA, JCB, AMERICAN EXPRESS, 銀聯（根據店鋪有所差異）
Comments